那些年，我錯過了的愛情: 4.

「唔表都表咗啦，起碼你試過啦，你唔表又點知佢真係唔鐘意你姐。」呀俊拍一拍我膊頭，之後繼續講。「追呀婷之前我都衰唔少次，喊完第日又係一條好漢子。大家都係男人，I get you bro。返屋企喊完就好好振作啦，知無？」
我哋飲埋手頭上嘅啤酒之後都分道揚鑣，我返我屋企，佢開佢嘅房（講笑）。
返到去我就繼續同我嘅tifa一齊搏鬥到第二朝。
「衰仔，你又冇瞓覺呀？唔使返學呀？dse仲有唔夠半年啦，溫咗書未呀，做過past paper未呀？唔好掛住打機啦，入唔到大學，跟住就識唔到好女仔架喇。」依句野成日都聽，因為我成日通宵打機，不過阿媽又冇講錯嘅，我依家成績未必入到大學，咁就識唔到女。正值青春期嘅我，咩都係諗溝女嘅。
咁既然佢唔理我，我就聽呀媽話，乖乖去溫書，暫時唔理呀怡，順便平復下心情。我定咗個目標，就係每日做至少一份卷。
一開頭都係忍唔住睇佢有冇搵我嘅，幾分鐘一次幾分鐘一次咁；但係去到後期就越嚟越疏，甚至一日都唔睇一次。不過唔睇還唔睇，一年嘅感情好難話放低就放低。都係用past paper麻醉自己就算。
依種情況就持續1到dse前兩三個禮拜，係佢WhatsApp搵我嘅。
怡：「你準備成點？」
怡：「你依家放唔方便傾一兩句？」
當我啱啱起身一開手機嘅時候，我就見到依兩句。我由興奮變懷疑，懷疑我發緊夢，之後再變疑惑。最後思考咗陣我都係決定覆佢。




我：「做啲past paper做到七七八八。」
我：「得閒呀，做咩？」
當我打算繼續做卷嘅時候，有一個好耐無聽過嘅電話鈴聲響起。