【真人真事】冤冤相愛何時曉？: 46.

分手後不久，我的特別假期也差不多完，到了四月尾便又再次如常上學。

一切就跟以前一樣，我跟她又再次回到那個尷尬的關係，平時在學校看到對方也會假裝看不到。

而我呢，則每天在自己班房玩得不亦樂乎，空堂便去圖書館一起看NBA，小息便周圍找人玩happy corner，上堂時要不就是在玩老師，要不就是在睡覺。

直到六月時，周楉童在她的ig上po了一個story，配上了一首周國賢的歌，令我忍不住回覆她的story。

我：分手先聽周國賢...可恥！





童：我突然發現呢首係幾好聽。

我：屌，我不嬲都話呢首歌好聽㗎啦，係你唔信之嘛。

然後我們好像又回復了以前朋友時候的相處模式，反而更加輕鬆自在，隨便在電話聊天也能聊個數小時。

不過這份熟悉我們只留了在電話之上，在現實時我們沒有再說過一次話。

童：喂，聽講你聽日打學界八強喎。





我：係呀屌，勁耐無打過波，唔知會唔會輸波呢。

童：唓，你打贏我再講啦，我覺得你打得贏之前嗰幾場其實都係奇績嚟。

我：屌你啦，乜我聽日打比賽你唔係應該要俾啲鼓勵我㗎咩！

童：咁好啦，如果你聽日打得贏場比賽，我送樣嘢俾你。

我：係咪先！





童：你贏到實送俾你㗎～

聽到這句的我瞬間充滿鬥志，對自己立誓必須要拿下明天的那一場比賽。

不過，如果充滿鬥志和向自己立誓就能勝出，那這個世界也不會有輸家，所以不幸的是，最後我也是輸了。

童：點呀點呀，你有無贏到呀？

我：屌...輸咗...

童：咁又係，如果派我落場就話會有機會贏到，你落去打係難啲嘅。

我：咁所以份禮物係咩？
童：你知嚟做乜啫，反正你輸咗都唔會收到㗎啦。





我：收唔到還收唔到，滿足好奇心還滿足好奇心，講嚟聽下啦～

童：唔要！

見狀我也不好意思再追問落去，只隨便回覆了一個emoji就完結了這次對話。

又來到試後活動的季節，但對於一群準備升中六要考DSE的可憐高中生來說，所謂的試後活動就是不停補課，再加上二月放了個長假，變相我們整個七月都要上學。

某天我回覆了她ig story後我們又開始在吹水。

童：其實，我有啲嘢想同你講。

我：係！請講。

童：不如你估下我想講咩。





我：點知你想講咩啫，你快啲講啦。

童：學下你嗰時嘛。

我：快啲講啦。

童：啫係...你會唔會想我地一齊返？


得閒咪fol下我ig囉：maanyin05