【真人真事】冤冤相愛何時曉？: 45.

我：如果我而家係唔理我地拍唔拍到拖，唔理一切現實上嘅問題，我剩係想知，你仲鍾唔鍾意我呢？

童：唔鍾意。

雖然我也料到她會這麼說，但看到她的答案，卻仍然有種難以置信的感覺，畢竟，我從沒想過我們真的會這麼快便分手，至少也一齊一年半載才分手掛

我：咁...你grad din記得要嚟搵影相喎。

然後她只回覆了我一個ok手勢，就沒有了。





我躺在床上好好消化自己突然間就沒有了女朋友，突然間初戀就結束這件事。

想著想著，我又拿起電話dm她：咁我想問呢，你會唔會同我絕交㗎？

童：傻啦我點會同你絕交啫。

聽到這句，我頓時放下心頭大石。

老實說，我個人除了有一點愕然及未好好消化到整件事後，是沒有太多傷心的感覺。





但始終是分了手，還是需要一些分手的儀式感，於是我打了俾燒山。

「喂屌我分手呀，今晚出嚟行下吖？」他一接電話我便說。

「吓，做乜無啦啦分手，今晚呀？唔...都得嘅。」燒山猶豫片刻後回答。

「咁得啦，今晚再解釋，bye！」人生有個隨傳隨到的朋友真好。

去到晚上，我跟他隨便在海旁走走。





「點呀，其實你同佢做乜嘢分手呀？」

「唉，其實我都唔知，總之佢今日求其講咗個理由就同我分咗手。」

「屌，你講完同無講無分別嘅。」他反了反白眼，然後繼續說：「真係頂你兩個唔順，郁啲又話要一齊郁啲又話要分手，都唔知你兩個想點。」

「屌，你第一日識我地兩個咩，係咁㗎啦，不過其實講真，我而家又無乜唔開心。」我邊走邊說。

「係咪㗎，有唔開心唔好死頂喎。」燒山搭著我的膊頭說。

「屌，我話係就係㗎啦。」

我們一路沿著海旁走到尖沙咀再走到西九龍，一直走到了一點才回家。

「吓，但係點解嗰陣時會無事嘅？」淇姐問。





「其實我都唔知，可能嗰時唔係真係咁鍾意佢掛，又或者可能我嗰時已經拍到好攰，都無力再拍落去。」我想了一會後說。

「咁但係如果你地唔鍾意對方嘅話，又點解要一齊？」淇姐不解地問。

「其實有時又唔係真係唔鍾意對方嘅，只係呢份愛係拍拖嘅過程中慢慢消耗盡咁解，最後大家都攰咁咪分手，有時都算係一種解脫嚟，而家睇返會覺得好彩嗰時分咗手，如果唔係都唔會有之後嘅故事。」我說。




得閒咪fol下我ig囉：maanyin05