【真人真事】冤冤相愛何時曉？: 46.

我：？？？

童：你唔想就算。

我：咁又唔係咁又唔係！！！只係我成日都想同你講對唔住，好似無做好男朋友呢個角色咁。

童：唔係，我講對唔住先真，係我成日都想痴住你，又成日發脾氣，係我唔好。

我：都唔係嘅，男朋友陪女朋友係應該㗎嘛，同埋就係我成日亂講嘢你先會嬲。





童：咁你想唔想我地一齊返？

我：不過你突然咁講我又覺得太快，不如你俾一日我諗清楚先，我後日星期四答你。

童：好～

結束跟她的對話後，我獨自在床上苦思良久，到底我還喜不喜歡她，應不應該跟她復合，就算復合我們又究竟是不是真的適合做情侶。

為了得到全方位無死角的意見，我分別問了燒山及Suki二人。





燒山：嗱，我就一向主張不干涉你兩個嘅事嘅，你地諗清楚就好。

Suki：嘩嘩嘩，但係你個陣時唔係好唔想同佢繼續一齊落去㗎咩，你如果真係想嘅話你要諗清楚你地係咪唔會重蹈覆轍，好似以前咁先，你係咪有信心今次可以同佢一齊好耐先，唔係話唔支持你地復合呀，但係一定要諗清楚同解決返之前嘅問題先。

所以結論是，我最後還是要自己做決定。

不過眾所周知，我是一個不懂得下決定，喜歡拖延的人，於是我想了一天又一天，都還是在朋友與戀人的關係之間躊躇著。

的確，跟她在一起，我們可以實體的拍拖，情況可能跟以往有所不同，不用每天靠電話維繫感情，但同時間，我又在想我們是否真正適合對方，要是真的適合，之前也不會分手。





我上學在想，放學在想，吃飯在想，就連打機也在想。

「唉，究竟我仲應唔應該同返佢一齊呀...」臨睡前我看著跟她的合照問自己。

時間來到星期五，已經過了星期四這個死線，但我仍然遲遲未回覆她。

終於，到了中午十二時，我收到來自周楉童的訊息。

童：？

但我卻沒有按下去的勇氣，而是選擇繼續逃避不回覆她。

直到九個小時後，周楉童又再次傳訊息過來。

童：算數，既然你唔想我都唔迫你，你當我無講過啦。





我看到這句後立即打開電話回覆她。

我：唔係唔係，我只係諗緊...未做到決定諗好啫。

童：唔緊要啦，嚟到星期五夜晚九點要我搵你幾次你先肯出嚟答我，其實你都唔係真係咁想同我一齊返，咁就算啦，你當我無講過之前嗰啲嘢啦。

我：唔係唔想同返你一齊齊…只係…我驚我地都係解決唔到之前嘅問題，最後都係會分開。

童：得㗎喇，都話當我無講過咯，我地都係做返朋友啦。

那晚之後，我們的交集再次歸零，就連電話上的對話也徹底消失，沒有再聯絡。







得閒咪fol下我ig囉：maanyin05