【真人真事】冤冤相愛何時曉？: 39.

「吓，咩呀，真係應承咗呀！？」我問。

「緊係啦，你等食飯啦你。」小學傻鳩同學充滿自信的說。

於是比賽完結後我們便一起去吃飯，但就目前情況來看，就頗不樂觀，因為周楉童跟上次一樣，都是獨自走在最前，然後我們三名男生就在後面聊天。

到了譚仔後，他們自動自覺的二人對著坐。

「呀唔好意思，咁可能你兩個要坐對方對面喇。」燒山說。





「屌你呀...」迫不得已的我只好坐在周楉童對面。

整餐飯下來，我跟周楉童有說過一次話，但也僅此而已，大部份時間都是聽燒山跟小學傻鳩同學二人在鳩up。

「不如我地去行下海旁吖。」埋單步出餐廳後周楉童說。

「好！實好㗎！周大小姐叫到我地一定係做俾你，let’s go。」燒山第一個附和她。

這次周楉童不再是獨自走在前面，而是跟我們並排走著，





走到某個位置後，我們便坐了下來聊天，我跟她也有參與討論，但卻從來沒有直接回應過對方。

直到半個小時後，周楉童說她要回家，然後我跟她迎來歷史性的一刻，她竟然...親口對我說了聲bye bye！！！

嗯，其實也沒甚麼大不了。

「唉，我都唔明，點解我而家會同佢搞成咁樣。」我跟燒山一起散步回家時嘆了口氣道。

「咁有時世事就係咁嘅，可能早個排仲可以一齊嘻嘻哈哈出街，但係過一陣就彷如陌路人咁，起碼佢而家都仲肯咁樣同你出嚟吖，都唔算係絕晒交。」燒山搭著我膊頭說。





但係...我屌那星...我唔係想同周楉童做個唔太熟嘅朋友，我係想佢做我女朋友呀屌！！！

「但係我唔明個位係，明明其他人同完佢表白，佢都可以笑笑口當無事然後繼續同佢做朋友，點解偏偏就係我同完佢表白之後，佢就要唔理我。」

「可能係因為你同佢真係熟過一排掛，畢竟我諗其他人同佢應該未去到可以日日傾電話成日出街呢個程度。」燒山說。

「都係嘅...」我頓了一頓後突然忽發其想說：「喂屌！你燈神嚟㗎嘛，你平時燈乜中乜，不如試下將你嘅超能力用係我同佢身上吖。」

「你都痴線嘅，我法力咁珍貴點可以咁樣亂咁用。」燒山想也不想就拒絕了我。

「挑，你將你啲法力留嚟有咩用吖，咪又係燈下紅雨黑雨打風贏波輸波考試出邊題。」我笑著推了推燒山。

「唉，幫囉。」燒山深吸了一口氣後說：「我祝雲思哲同周楉童永遠都無可能係埋一齊。」

「多謝大佬！」





你可能會說我迷信，但有時候，寧可信其有嘛，人到了別無希望時總是愛把自己的心願寄託在這些神秘力量之上，至少可以自己的減輕心靈負擔。



得閒咪fol下我ig囉：maanyin05