【真人真事】冤冤相愛何時曉？: 40.

踏入十二月，羽毛球的學界比賽暫時完結，我跟她唯一的見面機會又沒有了。

在學校又夾了隊band，報了sing con，贏了亞軍、繼續向燒山迫問情報、跟唐狗燒山興之所致半夜三時闖進長洲露了個營、隨隨便便考了個試，如此便完結了整個2021年。

考完試後的某天，百無聊懶的我在某個晚上打給燒山問他要不要去海旁走走，他想也不想便答應了。

會找他自然是因為我又想聊聊周楉童，又想問他關於周楉童的事。

而他的答覆是：「周楉童覺得你個鄰居故ending寫得好好。」





除了令我知道她仍有追看我的故事之外，可以說是對現實發生的事毫無幫助。

「唉屌，我真係好鍾意佢，不如你幫幫手燈多次吖，可能上次唔work呢。」我說。

「吓，又~又~又~燈~呀！？」

「嚟啦嚟啦，燈多次啦。」我苦苦哀求著燒山。

「唉好囉，唉，又用我啲法力。」他嘆了口氣搖了搖頭然後再次念出咒語：「周楉童永遠都唔會鍾意雲思哲。」





「多謝大師！」我大喜之下向他道謝。

意想不到的是，這次法術當真奏效。

「唔係真係咁堅呀嘛嘛…」淇姐看向燒山說。

「有時東方神秘力量，唔到你唔信嘅～」燒山自信地舉起姆指。

隔了幾天，正當我在跟唐狗打機打得不亦樂乎之際，電話突然收到一個訊息。





原本我以為是老媽子或者燒山找我，怎知一看之下驚嚇過度差點心臟病發，傳訊息者正是我朝思暮想的周楉童。

童：hey，you free now?

我立即上線然後回覆：yes, free

老實說，就算這刻我家火災要立即逃生，我也不會管那麼多照樣回答她我有空，更何況現在只是在跟唐狗這個毫不重要的人在GTA中搶劫銀行，唐狗能等，萊斯特條地中海死毒撚肥佬能等，全福銀行更加能乖乖不動等我下次回去再搶劫，所以，我想也不想便關掉電腦了。

童：nothing geh, just want to talk to you, 我地好似好耐無傾過偈咁。

我：笑，最後都係要你主動搵返我。

童：係，咁你而家有咩想同我講。

我：哦係呀，我有嘢想同你講呀，我想參加個寫故比賽，但係諗唔到寫咩主題好，你有無建議。





童：... 呢個就係你等咗四個月想同我講嘅嘢？

然後我不知痴了哪條筋，竟然直接回答：係呀。

童：唉，點解我會搵你呢，其實就係有嘢想同你講嘅。

我：係，請講。

童：我而家手震緊呀屌。

童：我最近先發現到，原來以前一直以嚟同你相處先係我最舒服最做到自己嘅moment，嗰陣拒絕你之後我就算同其他朋友同學相處，佢地都俾唔到呢種感覺我，好似得你一個係完完全全明白我咁。

我：係，果然我就好似漆黑中嘅螢火蟲一樣，咁鮮明，咁出眾，即使你隔咗咁耐，都係忘記唔到我。








得閒咪fol下我ig囉：maanyin05