【真人真事】冤冤相愛何時曉？: 41.

童：你！要！唔！要！認！真！啲！

我：係係係，你講你講。

童：呢啲嘢我剩係講一次，你唔聽就算。

我：唔好唔好，我聽我聽，你快啲講。

童：一開始你話你鍾意我，但係我唔應承你嘅原因，係因為我覺得你唔認真。





我：吓，我不知幾認真。

童：但係拒絕咗你之後，我好似再搵唔到一個可以咁明白我嘅人，有好多個瞬間我都想搵你講下我老母點呀想講下mirror呀，想講好多得我同你明嘅嘢，但係我又好似無藉口再去搵你咁。

童：唉好亂呀呀呀我都唔知自己講緊乜。

童：就算我有時候有啲嘢好興奮咁想同人分享，但係我好似搵唔到人做我分享對象咁，就算我搵我啲朋友講，佢地嘅回應都俾唔到你嗰種感覺我。

我：Yes你需要一個On9仔，aka本人yeah~





童：...

童：你係真唔知，定假唔知我講緊咩。

我：我明喎，我真係明喎。

上一秒才剛覆完她，下一秒她就直接打過來了。

不知大家有沒有試過心跳加速的感覺，但我那一瞬間，心跳不止是加速那麼簡單，而是確確實實地感受到心在大力撲通撲通亂跳，連呼吸也快要呼吸不了，差點以為自己就此興奮過度死亡。





我立即接起電話，然後又裝作一副若無其事的樣子，因為我不能在她面前透露出丁點的情緒，我是一個冷酷無情沒有情緒波動的人，哈哈哈哈哈我而家睇返真係onL799，中五都仲咁多幻想。

「喂？」電話的另一邊傳來久違的聲音。

「係，做乜無啦啦打俾我。」

「咁你係咪唔想聽吖？cut線囉。」

「唔係唔係，你講你講。」

「係囉，就好似我whatsapp咁講。」

「哦，係呀，我明呀。」

「無喇？你聽完之後無其他嘢想講喇？」她問。





「有咩要講呀？」

「你真係唔講？呢啲嘢得一次機會㗎咋。」

「你講先啦。」事隔半年，我仍然是個膽小的小男孩。

「你講先啦，你男仔嚟㗎嘛。」

「唔好啦，你搵我先㗎嘛，你講啦，我都唔知你想我講乜。」

「係㗎喇，我想講嘅就係你想講嘅嘢嚟㗎喇，你講啦。」她又把波推回給我。’

「你想同我做返朋友？」我試探性地問。





「你剩係想同我做朋友？」

「咁又唔係。」我立即否認。

「咁你想點？」她又追問。

「咁我...追你囉。」我鼓起勇氣說。

「嗱，你話㗎！」

之後我們又聊了幾個小時天，把這半年沒說的話一次過說完。



得閒咪fol下我ig囉：maanyin05