【真人真事】冤冤相愛何時曉？: 35．

 表白失敗，故事亦來到了新的一頁----我的失戀日記。

老實說，我原本就預了會被她拒絕，所以也沒有抱太大期望，但最後得知她還是拒絕了我時，內心難免會感到失落。

這次就不如上次般幸運，我跟她的關係再也回不去從前，完全斷了聯絡，就算在學校碰到對方我們也會假裝看不到。

來到這裏，就是燒山登場的時候了。

還記得燒山在中二時曾跟周楉童有過一段無疾而終的曖昧嗎？





他們最後雖沒有成為一對戀人，但卻成為了密友，嚴格來說是樹窿，差不多每次周楉童有甚麼八掛有心事有煩惱都會跟燒山說，而燒山也樂意聆聽兼提供意見。

剛好燒山跟周楉童同樣drop了History這一科，所以差不多隔日就會有機會在圖書館見面聊天。

剛好燒山跟我同班。

剛好周楉童有跟燒山說她跟我的事。

所以...





「嗱呢part交返俾我講，呢條友就勁喇，嗰時候明明同佢唔係好熟，有日無啦啦小息就走過嚟我到。」燒山搶著說：「咁我其實早幾日聽完周楉童講，都估到佢走埋嚟咩事㗎喇，咁咪幫下佢囉。」

「挑，跟住我日日小息都走埋嚟問你點呀周楉童嗰度有無咩新進展呀，你次次都話有，我問你有咩進展，你又話唔記得，我嗰時真係好想打柒你。」我說。

「唔怪得中五開學嗰排日日都見你兩個一到小息就走埋一齊細細聲傾偈啦。」淇姐回憶著說。

「點止小息呀，嗰陣時我就連放學都會拉埋佢一齊去食飯，就係為咗聽下有無咩最新情報，點知呢條友十問九唔記得，條條問題都話唔記得呀唔知道呀，都唔知要佢嚟做咩。」我說。

不過某程度上，也是拜這件事所賜，我跟燒山如今才能成為如此好的朋友。





「最好笑係，嗰排唔開心啦...掛住周楉童啦，跟住會同燒山係班房到唱耿耿於懷呀念念不忘呀嗰堆失戀歌。」想起那動人時光...就讓我不期然地露出了一抹微笑：「咁啱我地班主任路過聽到我地唱歌，就叫我地不如搵多條友一齊夾隊band出嚟，係picnic day嘅時候表演。」

「唔怪得你地picnic day嘅時候會無啦啦走咗出嚟唱歌啦。」淇姐說。

「嗰時我地搵埋呀2唐狗一齊夾band㗎嘛，一個就攞結他，一個就打鼓，一個就唱，仲認真到真係出去搵band房練，最正係連班主任都同我地夾埋一份。」我說。

「然後你仲要唱風箏...幾有感情呀唱得。」我們三人相視一笑。



得閒咪fol下我ig囉：maanyin05