【真人真事】冤冤相愛何時曉？: 34.

我心中頓時一驚，但立馬回過神來，在順勢表白與胡混過去之間猶豫著，最後我決定貫徹我懦弱膽小的風格，決定說個謊話試試能否欺騙她一下。

「哦...嗰個係講緊個故呀...」

「係咩？但係我見又話有去咩大浪灣接樓主，又話上屋企打GTA，你個故有寫呢啲嘢咩？」她冷冷的問。

「呀...係...囉...唔知呢可？」來到這個時候，我已經開始變得語無倫次，不知所云了。

「你仲有咩想講？」





「唔係你諗咁樣㗎...」話未說完，她便已經掛掉了電話。

我茫然地站在旺角地鐵站中間，不知應該如何是好，內心慌得心跳加速，腦中只是不停想著「唔係咁撚樣就收皮呀嘛。」

下了地鐵後我立即重新回撥電話給她，可惜空等了四十秒，卻沒有聽到她的聲音。

來到此時此刻，我實在不知應該如何反應，所有事情來得太快，我連消化也未來得及好好消化，事情便已惡化至此。

回家的那廿多分鐘路上，我也多打了數則電話過去，不過有些事不是努力就能改變結果。





既然打不到電話給她，那我只好轉為dm她。

我：hi

童：jm ar? Say here la

我：你睇到啲咩呀？

童：你話呢？





然後她send了其中一些留言給我。

童：啲人講嘢好好笑。

事已至此，我也別無選擇，唯有學袁崇煥一句屌那媽頂硬上，盡地一搏去表白。

我：鍾意你有咩咁好笑啫。

童：咁你又唔講你鍾意我？

我：我而家講我鍾意你！之前唔夠膽埋表白嘛。

童：細膽！

我：驚吖嘛…





童：咁你鍾意我啲咩吖？

在此我奉勸大家表白前必須必須，要預先想好這條問題，因為差不多每個女人都會問一次這條問題。

我：我鍾意你成個人，你嘅性格，鍾意同你傾電話同你出街，同你一齊嘅時候，每一分每一秒我都好開心好enjoy，好想以後都可以咁樣繼續落去。

我按下傳送鍵後長呼了一口氣，就好像這些月來的壓力及煩惱在一瞬間消失殆盡，但取而代之的，卻是等待她回應時的緊張感。

但訊息傳了一分鐘...兩分鐘...三分鐘，都尚處於未讀狀態，沒有任何回覆。

內心極其焦急的我不停refresh我們的對話框，期盼著會收到好消失。

我就這樣坐在自己的電腦枱前看著電話屏幕傻傻的等著，可是等了兩個小時，電話仍然沒有任何反應，我只好放棄去洗澡睡覺。





第二天一早起床我第一時間自然是看電話，但結果卻仍然是不讀不回。

一直等等等等等，等到下午五時左右，電話震了一震，我立即拿起電話，正是周楉童傳來訊息。

童：傻仔讀好書先啦。

看到這個回覆，我的心情瞬間跌到谷底，就好似被人掏空了身體一樣，因為我知道，這意味著我正式被她拒絕了。

屌你老母周楉童。



得閒咪fol下我ig囉：maanyin05