【真人真事】冤冤相愛何時曉？: 33．

「嘩屌，你究竟要搞到幾時先可以表到白，聽到我都想打你，拖拖拖咁廢。」淇姐不滿地說。

「唉，驚吖嘛，我原本嗰次真係覺得自己大機會表到㗎喇，吖點知去到最後又衰淆底。」我說。

「你真係好失敗，之後呢？你最後有無表到白？」

「咁呀...既然我表唔到白，咁所以我就決定暫時搵啲方法刷下存在感先，所以我嗰一排有時會早啲起身過去佢屋企樓下等佢返學。」

「仲有呢仲有呢？」





「仲有一次佢病咗，我放學之後有去買粥上佢屋企探佢。」

「咁你仲有無試去表白。」

「緊係有啦，就係中秋節嗰日，我原本有晒一個好完美嘅計劃同佢表白。」

事緣是這樣的，例牌是她約我中秋節晚上出街啦，還指名想要個kuromi燈籠。

但大家看了這麼久，都知道我本人是極度懶及hea，只要能不做就不做，所以我當時聽到她想要kuromi燈籠後，只隨便說了句：「見到便買吧。」





只不過我由始至終都沒有想過要去找，所以見到的機會是零。

來到這個時候，又是萬能連登仔出手的時機，我隨口說了句：「噢周楉童聽日話想要個kuromi燈籠，不過唔知邊度有得買，所以都係算數。」

結果，有位讀者自告奮勇說要陪我一起去找，於是中秋節那天我們就相約在我家附近的地鐵站一起去找。

事實證明kuromi燈籠周圍都係，皆因我跟他找了不到五分鐘，就已經找到了，而且他還順便幫我把錢付了，再幫我組裝好那個燈籠，才功成身退。

在此亦特別感謝教大宅男，雖然很大機會他沒有看我這個故，不過他真的幫了我很多。





本來呢，中秋節那天我就是打算拿著那個燈籠，很浪漫地跟她在海旁欣賞一下月色，然後趁機表白。

奈何我又再次被她反制了。

「喂，海旁咁多人，不如我地去搵間甜品鋪食甜品算啦。」周楉童把玩著燈籠說。

「吓，都可以嘅，行囉。」

就是這樣，我們草草吃了個甜品就回家去，又是沒有表白的一天。

看到這裏，大家是否覺得很悶很拖看了那麼久都沒有結果，不想再看下去呢。

事情在兩天後迎來了突破性的發展。

那晚我補完習後在歸家的時候，如常的打給周楉童跟她傾電話，怎料她突然很認真地問我：「你...有無野暪住我？」





我聽到後心裏一驚，不知她所指為何事，只好裝傻地回答：「吓？有咩暪住你呀？」

「真係無？」她又再問一次。

「有咩呀，你快啲講啦。」

「我睇到你連登個po，入面好多人都係度叫你同個女仔表白。」



得閒咪fol下我ig囉：maanyin05