一覺睡醒，發現阿爸變成女人: Ch.20

「我諗諗吓⋯⋯佢好似有講過啲嘢。」婆婆像是記起甚麼，戛然補充說：「佢話31號係唔知咩節，萬⋯⋯唔知萬乜嘢⋯⋯」

 「萬聖節？」 
「好似係，唔知乜嘢萬咩，話可以扮鬼扮馬，就算唔好食都可以話玩吓。唉，真係得佢先諗到。」她笑說。 

我聽得一頭霧水，看來要知道真相，就唯有找出阿爸，問出箇中來龍去脈。 

「阿爸今日一早就出咗去，你知唔知佢去咗邊？」我問。 

「唔知喎，你無打電話揾佢？」 此言一出，如同當頭棒喝般，我居然沒想到電話聯絡，就直接衝到婆婆家。 





「我以為佢過咗嚟揾你。」

 「無啦，佢都要翻工，你唔洗翻工咩？」 

「我今日請假。」

 「哦⋯⋯」  我坐立不安，沒法專注食物上，決定致電阿爸、追問真相。 

「喐⋯⋯喐⋯⋯喐⋯⋯」然而，結果非預想中順利。不管我撥打多少遍，依然為同一聲線：「你已經接駁到，5398⋯⋯」 





 這地方，說大不大，說小不小，但要憑空找出一個人，就等同大海撈針，無從入手、無跡可尋。