不能愛上的星級女神2: 情迷巴黎（下）

吃飯的時候，Hilary也仿佛滿腹心事，沒有參與我們的討論或對話。若嵐亦沒有打擾她，只是靠近Candice和她說說笑笑。貓仔亦不遑多讓，還時不時偷偷注意Hilary。

我們去了一家LGBT友善的酒吧飲酒。喝到有點感覺時，有幾位俊男美女邀請我們到舞池一起跳舞，剩下Hilary和貓仔在座位一杯接一杯。「瑾瑜～」Candice拉住我手，我們在五光十色、煙霧彌漫、DJ節拍之中隨音樂搖擺。耳朵紅紅帶點醉意的Candice主動地吻向我，我一手擁緊她腰，在氣氛之下與她忘我地親吻了一會。「做咩啊？」我留意到若嵐呆滯地望向我身後方向，面色一沉。我好奇地沿着她目光的方向望去，看見貓仔坐在Hilary身上和她半推半就、有點激情地熱吻。再望向若嵐時，若嵐已經向門口方向跑走。「你留低，我去睇住若嵐…」我點點頭，Candice便立刻跟出去，我亦正走回座位。

Hilary推開了不停向她主動索吻的貓仔，兩人的面上也流露出複雜的神色，貓仔眼角有淚，Hilary亦似乎有些動搖。「關…語…芯……」她們兩個看起來也很醉，但貓仔應該更醉。「係我…係我對你唔住！……我冇資格叫你…原諒我。但係自從我見返你，我…原來根本放唔低你……」貓仔又吻上了Hilary －回，Hilary帶著醉意推開她：「章樂言，你聽住！我仲記得…當年你點對我。我地…無可能架啦……」貓仔的淚悄悄流下來，想再次親近Hilary時，醉倒在她肩上，Hilary亦似乎有氣無力地靠在沙發上，捂住胸口閉上眼睛。我走近她們，拍拍她們肩，確認這兩個傢伙是否真的醉倒了。「你兩個有冇搞錯啊？真係好帶挈！」又只能夠重施故技，找程心她們幫忙把她們拱回去。之後，還沒有機會讓Hilary向若嵐解釋，我們便各自回港了。我從Candice口中得知，Janet似乎有意打算放下台灣那邊，專心落香港扎根發展，有假期才回台灣。Janet更加去了機場接若嵐機，看來她們的發展會更加峰迴路轉。

「你頭先同關語芯拍戲，佢有冇咩講啊？」下班後我來了Candice家，和她邊吃飯邊聊天。「你知唔知，佢今日居然NG咗10次！」我猶如發現了新大陸一般，告訴Candice。「估唔到居然會聽到關語芯為情所困！有趣～」「睇嚟佢以前真係一個幾神秘嘅女人喎…」「應該話，佢對男人嚟講非常吸引，佢對女人嚟講非常頭痕！」Candice這句把我逗笑了。「佢嗰陣都玩到我頭暈啦～」我笑道。
「咁佢而家到底想點㗎？又唔同若嵐解釋。而家Janet攻勢咁猛烈，若嵐遲早應承佢。」「我而家好似開始明白張星凡嗰陣點解忍唔住出手幫～有陣時睇到都真係嬲嬲地！」我又接着問：「咁若嵐點諗先？佢鍾意邊個多啲？」「佢？佢梗係緊張關語芯多啲啦…」Candice剛講完，電話便響了，來電者居然是Hilary。
Candice萬分驚訝望向我：「向瑾瑜，佢真係好日唔搵我一次架。」「居然搵你唔搵我？」我好奇地替她按了擴音器。





「點啊關語芯？咩風吹你嚟啊？你打俾我？」Candice帶點狡猾地先開口。「朱浩婷！！！…」Hilary的聲音聽起來好像喝醉了：「你…同萬若嵐咁friend。幫我…同佢講
……」「喂？關語芯？…喂？」無論Candice怎樣喊，電話的另一端也沒有回應。她與我對望，我和Candice在確認她真的完全沒有反應之後，各自致電給她經理人家儀姐和若嵐看看Hilary會在哪。
「萬海昕！阻唔阻你？」
「Candice？做咩啊？」
「Hilary有冇搵過你啊？」若嵐那邊忽然靜下來，過了1分鐘左右，她才吐嘈：「其實我都係想等佢講一句，又或者主動搵吓我都好啊？返咗嚟香港咁耐，－個msg都冇，都唔知佢想點…」Candice把剛才的是告訴她，正好我從Hilary經理人口中得知，她應該沒有離開過家，而且這幾天狀態也不太好，我們便拉着若嵐直接上Hilary家找她。

按了一會兒門鈴，一個醉如爛泥的關語芯終於開門。