不能愛上的星級女神2: 天造傑作

「點呀李小姐？你又想chok咩料啊？」我主動問。
她把手機遞給我讓我檢查：「唔使咁敏感嘅向瑾瑜～呢條問題你唔使答，我淨係想問女士們炸！」
若嵐、Candice和貓仔仿佛也很害羞，反而關語芯笑了笑，毫不忌諱地回答：「女人吖嘛？無論係玲瓏浮突嘅身形、清秀嘅外表、白滑嘅皮膚，定係溫柔又嬌嗲嘅性格、或者係可愛性感反差⋯⋯由內到外，都可謂天造嘅傑作～」她這番說話讓我心中不禁在鼓掌讃同。
「所以你怕沉船，寧願去溝仔。我有冇講錯呀關語芯？」若嵐一句便把剛才還很輕鬆風流地說這些話的Hilary秒殺，亦掩飾不了她眼中閃過的一絲慌張。
「又係喎～你講到咁吸引，又唔見你溝下女？」李思晴也在加鹽加醋。「你哋放過佢啦！佢呢啲叫愛無能，絕症黎架。」我也補了刀，Hilary狠狠地睨著我，頭頂彷彿在冒煙。

貓仔、李思晴先行回去，我和Candice策劃爭取時間讓若嵐和Hilary在回港前坦誠相對，好好溝通。
「不如我哋買d宵夜同甜品去佢哋度一齊食？」我刻意對Hilary提議。「唔好喇，我想落club玩。」Hilary有種刻意逃避的感覺。
「你又話過嚟搵我玩？而家寧願落club溝女？」我拉住正要離開的Hilary，有點費解。
「我唔溝女架…」Hilary冷冷地回應我，這句觸動到我們三人的感覺。




「唔溝女？咁你以後唔好俾我見到你溝女。」Candice姐真的有點狠毒，若嵐也不輸氣勢：「係喎可，你個世界不嬲都冇朋友兩個字架啦？係度食仔有咩用啊？返香港囉。」Hilary沒有說什麼，臉上也沒透露自己的想法。在她想再離開之際我在她面前攔住她，我認真問她：「關語芯，你問心，你係為咗莆club先留低paris咩？你特登過嚟係為咗d咩你自己應該好清楚。」我們三人也望向Hilary，這個明明滿是心事卻無時無刻裝作瀟灑的Hilary。她還是轉身向另一方向離開，但走了兩步便回頭對我們說：「我知道呢個時間邊度仲有得買芝士蛋糕同酒，你哋跟唔跟埋黎呀？」關語芯總是那麼出奇不意，我和Candice也有偷偷留意若嵐的反應，若嵐偷笑了笑，我們便一起走。

再次來到她們酒店房，我們已經自便了。若嵐剛才挑了一款大蛋糕，Hilary負責結賬，如今她亦負責切一大份給若嵐。明明對著我還會下藥和把我耍得團團轉，但她對著萬若嵐的行為卻那麼不一，又百般照顧，分別這麼大。

「我哋玩是非題酒game，順時針問三round，之後逆時針，唔答就要乾半杯。」「好啊～」「我地猜贏咗嗰個開始先。」……我們邊吃蛋糕邊玩遊戲，以順時針的坐法是若嵐、我、Hilary、Candice。是因為我和Candice較親密的關係，所以故意隔開我們坐，這樣比較好玩。若嵐的第一條問題已經很爆：「向瑾瑜，你有冇試過出軌？」「點為之出軌先？」我有點心虛地反問。「精神或者肉體上…」若嵐正想補充，Hilary打岔：「拖手、攬、錫算唔算先？我哋四個都係演員，咁拍戲點計先？」「Candice你覺得呢？」我問。Candice想了想：「我覺得主要係精神上。肉體上如果冇摸過冇做到，都可以當唔算嘅…」「咁都make sense。」若嵐點頭，望向我。「冇。」我回答。幸好是這個定義，否則我真的擔心我和Hilary那種算是肉體上的關係。
我又奸笑地問：「關語芯！你…」「你唔好問！我知你想問咩…」她打斷了我。Candice此時附和我：「喂Hilary～你要等佢問完先，支酒預咗俾你～」Candice姐也奸笑地把酒放到Hilary面前。我把問題問出來：「關語芯！你有冇中意萬若嵐？」她直接把酒喝了一半，指著我說：「見係你哋咋！如果唔係我先唔飲。」「唔好話你呃酒飲！」若嵐似乎有點開玩笑地對Hilary說，Hilary也有點違和地回應：「咁當然啦～啲酒係我買㗎喎。」
她接著問Candice：「如果向瑾瑜同你分咗手，你會唔會再考慮萬若嵐？」Candice確實有在思考，還是苦笑地搖頭：「我真係唔知。」亦直接把酒呷下。記得之前Hilary也問過我類似問題，可是我也答不上。Candice也和我問了一樣的問題：「你都知我想問咩。你有冇中意到Hilary？」若嵐想也不想，把酒喝下肚。

「喂，你哋咩都唔答，我哋d酒好快飲晒架喎！」我有點開玩笑的不滿，又對Hilary和若嵐說：「拿我唔理！skip多次你地就要爆一個truth！咁樣公唔公平先？」「Ok！」若嵐爽快地答應。Hilary猶豫了一會：「試下。」
「到我問。」若嵐繼續：「你對章樂言或者李思晴有冇性幻想？」「萬若嵐你真係…」我望向Candice，還是選擇了喝下去，以免在這種非常時期解釋得不明不白、越描越黑。「其實有都好正常。」Hilary奸笑著。「你唔好咁得戚！」我邊慢慢喝邊望向Hilary，問她：「如果萬若嵐同你表白，你會唔會應承做佢女朋友？」Hilary一副生無可戀地望向我：「向瑾瑜你又黎呀？」