係同屋室友?定係同居密友?: (S3)54. 親自下廚

案件完結，苗學翹暫時鬆一鬆，但係佢依然透過朋友之間，獲得肖翠君一家嘅消息
 
「肖師奶俾人收埋回鄉卡喎」 「似乎會落Charge」
 
「肖翠君個肚愈來愈大」
 
「搵到個經手人未?」 「搵到啦」
 
「對方肯負責任?」  「肯呀，好似話會結婚」
 




「嘩，俾佢老母知道會唔會又搶樓架?」
 
「好似話有婚前財產協議」
 
「個男仔住邊呀?」
 
「旺角d單幢樓，五門歸心果d」
 
大家係wts group內你一言我一語咁討論
 




苗學翹索性mute左個group去，相對於肖氏一家嘅事，苗學翹寧願放工後對住公事都唔想再理佢地
 
是日輪到佢當值，每一次當值，梁小祺都會留係學校幫Rachel手做lab，因為小祺自己一個返到宿舍都冇野做，倒不如留係學校做下野
 
「啲」一枝pipette tube又係biosafety cabinet之中飛入去disinfectant入邊
 
「單官司完左，而家仲有冇咁緊張呀?」
 
「啲」 「而家當然冇啦，不過剛開庭果時，真係擔心死我」
 




「啲」「不過我真係萬萬都估唔到，果家人為左搶妳男朋友層樓而做到咁絕，屈佢搞大人地個肚都得」
 
「啲」「不過姐夫佢地好似一開始就諗到呢樣野」
 
「啲」「都係果句啦，我地全部都信佢唔會背住妳出軌」
 
「嘩，妳講到成個lab都好了解佢咁喎」
 
「大家都係有眼睇嘅」
 
佢地兩個返到出main lab到繼續做lab，梁小祺望一望其他學生，不論係Ph.D又好M.phil又好，大家對苗學翹嘅官司都好緊張，根據Rachel嘅說法，有好多學生同Staff，包括埋教授，大家都每晚一齊圍係各自部電腦前睇時事節目直播。當一宣判果時，成個lab area都充滿歡呼聲
 
今晚係lab之中，經過Rachel提醒下，小祺先發現自己冇同學翹慶祝完左官司，於是佢係同學翹返宿舍果時，提出左要求
 
「下?星期六晚妳負責煮飯?」




 
「唔….我煮飯有咩出奇，咁我又想幫你慶祝下完左官司嘛」
 
「咁樣…..」學翹對於小祺想親自下廚顯得有點擔心
 
「你信我唔過?」
 
「唔係，只不過妳想煮咩?」
 
「星期六出去買餸果時你咪知囉」
 
到星期六，佢地一齊出一田到買餸，小祺一開始，就去到賣牛扒嘅地方
 
小祺係到不停揀牛扒，仲要係高級牛扒
 




學翹而家擔心嘅，唔係屋企火燭之類，佢係擔心小祺會浪費塊牛扒
 
返到屋企，佢自己一個人係廚房到忙，為左煮一餐牛扒，佢上網搵左好多資料
 
小祺跟住食譜黎整呢一餐，好在佢自己都有返少少功力，未至於將塊牛扒變成炭燒風味
 
當學翹一切開塊扒再放入口時，頓時覺得小祺廚藝係進步左，落刀時扒嘅中間仍然係半生，對於鍾意食牛扒嘅學翹黎講，呢塊扒並冇浪費過，如果加埋紅酒就一流，不過學翹同小祺兩個人都唔太鍾意飲酒，所以就算數
 
晚餐過後，  學翹去洗碗，今晚呢一餐，佢食得好開心
 
「係，佢地會俾哂所有錢?好好好，唔該哂。電視台都追到賠償?咁唔該哂你」
 
苗學翹係宿舍到同游律師傾電話，肖氏一家承諾分期俾返律師費，而且學翹仲打算向電視台同鼎追討賠償，苗學翹一向唔係個貪心嘅人，所以只向雙方追討$500000左右
 
基於電視台播出大量失實資訊，令學翹係精神上受困擾，以及名聲上受損(呢個只係佢追討賠償藉口)，所以佢透過游律師向電視台要求道歉以及賠償




 
至於鼎果方面呢，都係基於上述兩點而要求賠償。其實一向都冇人會同律師追討，但鼎實左太出位，上到電視又口不擇言咁發表偉論，既然係咁，黎大狀等人就決定俾個機件會佢出下位見下報上下頭條咁樣
 
就係咁，學翹呢個獎金獵人，戶口就多左7位數字嘅金額