係同屋室友?定係同居密友?: (S3)49. 特別證人

小祺企出證人席宣誓
 
「梁小姐，請問妳同苗博士係咩關係?」
 
「我同佢係同事，而家亦係情侶關係」
 
林大狀好快同身邊師爺咬耳仔，準備問題
 
「請問妳地幾時相識呢?」
 




「大約前年10月左右，當時我剛入職現工作」
 
「請問妳嘅工作係咩呢?」
 
「大學嘅安全組識職員」  「同苗博士係同一部門?」
 
「佢係我地sub-unit嘅成員，當時我second落去所以識到佢」
 
「咁果時妳知唔知道苗博士係有女朋友?即係肖小姐?」
 




「開初我未知道，因為當時只保持同事關係」
 
「咁妳同苗博士幾時開始拍拖?」  「去年11月」
 
「妳果時認識肖小姐嗎?」
 
「唔認識，但知道苗博士有前任女友」
 
「咁妳係咪可以肯認定佢地分開後冇見過面?」
 




「佢地只見過一次，係佢麻麻生日晚宴上」
 
「當晚咩事?」
 
「佢地黎迫苗博士係物業上加名」
 
「除左果晚妳肯定佢地冇見過面?」  「肯定」
 
「點解呢?」 
 
梁小祺望一望苗學翹「因為我地除左返工時間外，我地都會見面見到大家」
 
「即係話….妳同苗博士係同居關係?」  「係」
 
「由去年11月開始?」 「唔係」




 
「可唔可以講清楚d?」
 
「去年7 月嘅打風日子，我返唔到屋企，所以苗博士收留我幾日，而之後我同屋企人有事發生，所以我搬離左所住嘅地方，同苗博士暫住成為室友」
 
「妳地上司知道?」  「知道，佢仲特別幫我申請左居住證」
 
「咁所以妳係未見過苗博士同肖小姐單獨相處過?」 「未」
 
「唔該哂，法官大人，我冇任何提問」
 
「控方有否提問」
 
「梁小姐，妳話妳同苗先生同居，而且未見過肖小姐係唔係?」
 




「係」
 
「咁佢地會唔會係妳唔知道情況下見面?」
 
「絕對冇可能」 「點解妳咁肯定?」
 
「因為每日都係苗博士同我同一架車返學放學返宿舍，我地每日一齊買餸煮飯做家務」
 
「佢唔可以係上班途中離開咩?」 「冇可能」
 
「點解妳咁肯定?」「因為學校兩個出口都有cctv，如果佢離開，一定俾人見到」
 
林大狀見問唔到野，所以放棄
 
「法官大人，控方冇任何提問」




 
麥大狀再次起身
 
「梁小姐，請問妳係咩途徑下知道肖小姐嘅存在?」
 
「我同苗博士做室友果時，經常性有人用太空卡wts佢，果時我先知道肖小姐嘅存在」
 
「咁果時苗博士有冇同妳解釋成件事?」
 
「有，佢話肖小姐一家人想盡辦法加名去到佢父母遺產物業，甚至想用結婚黎綁實苗博士」
 
「咁而家肖小姐一家人有冇騷擾過妳或者妳屋企人?」
 
「冇」
 




「唯一一次見肖小姐就係大約去年11月?」「係」
 
「梁小姐我想問下，妳認為苗博士係唔係一個言而無信，會放棄自己小朋友嘅人?」
 
「絕對唔會」
 
「原因呢?」
 
「因為佢係好肯幫其他人嘅人，而家佢已經畢左業，但有時仲會幫教授做研究，幫舊朋友代上tutorial，或者我地部門實驗室多野做果時，佢都會義無反顧去幫手」
 
「法官大人，辯方再無任何提問」