係同屋室友?定係同居密友?: (S3)48. 專家證人

「現傳召婦產科專科醫生，程美儀醫生。程醫生為醫管局婦產科高級顧問醫生，是次由醫管局協助下指派程醫生為本案專家證人，並已獲得控辯雙方同意，而開庭前程醫生亦係法庭職員作證下為肖翠君小姐，即本案第二申訴人作檢查」
 
「程醫生，請問我當事人肖小姐係唔係確定懷孕?」
 
「係」
 
「咁請問係男仔定女仔?」
 
「係一名男仔」
 




「胎兒健康正常?」
 
「係」
 
「請問肖小姐而家懷孕幾多周?」
 
「根據我幫佢檢查、胎兒頭圍、大腿骨長度，以及屯門醫院嘅資料，肖小姐而家係懷孕12周，預產期為本年10月中」
 
「唔該哂程醫生，法官閣下，控方再冇問題」
 




「程醫生，依妳嘅專業意見以及常識，妳係咪可以由而家肖小姐肚中胎兒發展時期，往後推算返，肖小姐同胎兒生物學上嘅父親所發生性行為嘅果一日，或者果一晚啦」
 
「如果胎兒父親係一個正常男士，而精子數量同健康的話，係可以推算返出黎，呢樣係每一個唔同專科嘅醫生都可以答到嘅問題，包括中醫都可以」
 
麥大狀拎起一份報告展示出黎
 
「各位我手上有一份醫學報告，係我當事人苗博士嘅驗身報告，今日我地得到苗博士批准而公開呢份報告，麻煩程醫生妳可以過目一下」
 
「反對!!!法官閣下!!!辯方拎出一份不明來歷嘅身體檢查報告去訛稱係被告人嘅體檢報告」
 




「法官閣下，程醫生係一名專業醫護人員，所以佢一定可以睇出呢份報告嘅真偽」
 
「反對無效，程醫生妳可以開始檢視報告」
 
「明白法官大人，呢一份報告，係私家醫院所做，報告上有醫生、化驗師同護士簽名以及私家醫院嘅印，我可以確定呢一份係真實嘅醫療報告」
 
「請問報告上苗博士是否健康?」
 
「根據報告，苗學翹博士身體基本上冇大問題，而且精子數目同狀態都屬於良好」
 
「咁苗博士有咩問題呢?」
 
「苗博士有輕微三高，建議改善飲食習慣或者服用降膽固醇藥物」
 
「叫左佢唔好食咁多梅菜扣肉架啦……」苗學雯係席上講




 
麥大狀邊行邊問「咁程醫生，依妳計算，假設肖小姐肚中胎兒嘅爸爸係苗博士的話，佢地會係經時發生過性行為?」
 
程醫生拎住資料細望「佢地性行為時間大約係12月下旬」
 
「係咪最保守估計?」
 
「係，我係根據同兒成長進展，肖小姐最後一次經期黎計，誤差唔多於一星期」
 
「唔該哂程醫生，法官閣下，辯方再冇任何提問」
 
程醫生離開證人席後，控方再次傳召肖翠君
 
「控方現傳召第二申訴人」
 




「肖小姐，請問妳係咪只同苗博士一個人發生過關係?」
 
「係」
 
「即係以我理解，苗博士一定係妳肚中胎兒嘅爸爸?」
 
「呀…係…」
 
林大狀點點頭「作為一名女性，即將成為媽媽，我都明白妳嘅心情。法官閣下，我冇其他問題」
 
「辯方有否提問?」
 
麥大狀起身整理一下佢件大狀袍，飲一啖水，望一望肖翠君，有點嘆氣咁行過去
 
見到對家大狀嘆氣，肖師奶又再一次以為自己穩操勝券





麥大收行到肖翠君面前
 
「肖小姐，妳係咪好肯定妳肚中胎兒嘅爸爸係苗博士?」
 
「肯定」
 
「除左果個死仔包仲可以係邊個呀!!!你都打橫黎講嘅!!」肖師奶又係現場叫囂
 
「肅靜!!!!」
 
「法官大人，我想傳召特別證人，佢可以證明我當事人同肖小姐已經長時間冇見面」
 
「反對!!!反對辯方突然傳召新證人!!!」
 




「反對無效，辯方可以傳召特別證人」
 
「唔該法官閣下，辯方現傳召特別證人，梁小祺小姐」