係同屋室友?定係同居密友?: (S3)44. 習慣成為證據

麥大狀起身，而佢身後幾個律師就慢慢拎出一疊疊文件
 
「肖太，剛才妳好肯定果張所謂嘅承諾書，係苗博士寫俾妳地」
 
「當然啦」
 
「但係，點解苗博士唔認呢?」
 
「點知個死仔包點解唔認呀!!!佢根本就想自己獨佔間屋!!明明講好左俾我地」
 




「原告人!!!肅靜!!!」
 
「唔該法官大人，肖太，請問妳知唔知道，香港係有一條偽造文書罪?」
 
「知道又點?唔知又點!」
 
「我係好心提一提妳，偽造文書罪係刑事罪行，一經定罪，係要入獄。法官閣下，我地有一大疊文件打算呈堂，但首先會俾控方律師自行過目」
 
「批准」
 




法官批准後，兩名學師仔將一大疊筆記等等放係鼎面前，鼎隨意睇睇就話冇問題
 
「法官閣下，呢一堆，係苗博士由UG，到PhD畢業時，做研究時嘅LOG BOOK，仲有佢而家工作時寫嘅LOG BOOK。雖然我唔係筆跡專家，但係LOG BOOK上苗博士嘅字跡，大家都可以睇清楚」
 
麥大狀撳出一張slide「圖中顯示，苗博士研究log book上，清晰地用藍色原子筆mark低嘅要點」
 
「反對!!反對辯方律師說明與本案無關之內容」林大狀起身反對
 
「法官閣下，我仲未講到log book對本案嘅關鍵」
 




「反對無效」
 
「多謝法官大人，大家可以睇到，當苗博士寫錯字果時，佢會用藍色原子筆一橫刪除，再加上簡簽，呢個係所有理科生嘅一貫做法。而另一本，內容全部非常整潔，冇任何嘅錯處，係苗博士做完實驗，將第一本log book嘅資料同結果，100%抄返上另一本新log book到，以方便俾其他人借閱」
 
「大家可以睇下，苗博士兩本log book嘅字，係有分別，因為苗博士係提交俾老闆睇嘅log book，係用鋼筆，即係墨水筆所寫」
 
「挑!仲以為有咩咁巴閉」肖師奶係席上聽唔明麥大狀講咩，不過林大狀已經知道咩事
 
「由呢一點，大家可以知道，苗博士係一個用慣鋼筆嘅人，而所有用鋼筆嘅人，佢地所有文件簽名，有95%都係會用同一枝筆去簽」
 
麥大狀再撳一張slide「我地睇睇控方嘅承諾書上嘅簽名，同埋苗博士嘅簽名，明顯地所謂承諾書上用嘅係一枝原子筆簽嘅簽名。再睇睇苗博士嘅簽名，係公司往來文件，學生考卷上，苗博士個簽名都係用鋼筆所簽!即係話苗博士有一個習慣，就係用鋼筆簽名」
 
麥大狀打出呢一手的確非常好波
 
「另外，如果簽重要文件的話，苗博士會簽一個最formal嘅簽名」




 
麥大狀拎出左好多份正式法律文件「呢到係苗博士嘅博士畢業論文、佢父母嘅死亡證，對佢最重要嘅文件，苗博士會簽上佢英文全名」
 
「如今控方所提出嘅承諾書，係苗博士眼中算唔算重要呢?關乎物業，對所有人黎講一定係重要，如果呢份承諾書真係苗博士簽嘅話，就一定係簽英文全名，而唔係呢個英文名簽名!!所以我地有理由相信該承諾書係偽造!!」