係同屋室友?定係同居密友?: (S3)43. 針鋒相對

開庭當日，高院門外已經企左電視台西張閪望嘅主持人係到，當肖氏一家黎到果時，佢地同阿鼎一樣，趾高氣揚咁入去高院，肖師奶係臨入去之前仲揚言必勝，仲「正義從來不會缺席」咁入去高院
 
係庭內，游律帥同麥大狀等人已經準備好所有文件
 
肖師奶見佢地係到忙緊，亦不忘冷嘲熱諷「搞咩丫，最後咪又係我地贏，搵埋D垃圾律師」
 
見慣大場面嘅麥大狀同游律師自然唔將肖師奶放係眼內，不論佢點叫囂，亦冇人理佢
 
「咚咚咚」傳令員敲三下門後，三位法官亦入到案內
 




法庭書記讀出案件編號後，匯報案情
 
「HC聆訊1234，申訴人肖錢鳳娥要求受控人苗學雯女士、苗學翹博士分享之物業擁有權，並於去年發律師信後並沒有執行信件之要求，故要求原頌庭進行裁決。雙方法律代表已同意由政府化驗所嘅筆跡專家協助辨別文件上簽名之真偽。另外由於婦產科醫生反對，故第二原告人並沒有為胎兒進行DNA測試。」
 
「控方律師，可以開始就證據傳召證人」
 
「控方現傳召第一原告人，肖錢鳳娥女士」
 
林大狀起身行去肖師奶面前問一d佢地夾定嘅問題
 




「肖太，請問呢一張承諾書，係唔係被告俾妳呢?」
 
「當然係佢啦，有哂佢簽名!!仲點會唔係佢?」
 
林大狀只有一條問題「法官閣下，我再冇問題提問」
 
「辯方有否提問?」
 
「法官閣下，辯方冇任何提問」
 




肖師奶自信滿滿由證人席返去旁聽席「仲審乜鬼丫!我地都贏梗」
 
「控方現傳召被告人，苗學翹先生」
 
林大狀依舊行去學翹面前，整理下大狀袍
 
「苗先生，如果你唔係打算將物業加上肖小姐個名，你點解要寫呢張承諾書?以閣下嘅學歷都應該知道，口頭承諾已經有法律效力，而家你連承諾書都寫埋，係唔係更加有效力?」
 
「係呀，又點?」苗學翹輕描淡寫咁講
 
「即係你而家承認答應將肖小姐個名加上物業?係唔係?」
 
肖氏一家已經覺得自己贏左，表現非常興奮
 
「唔係喎」




 
不過苗學翹一句唔係，又掀起另一個高潮
 
「咩話!!?證據係哂到都夠膽話唔係!!!!」肖師奶係旁聽席叫囂
 
「肅靜!!!控方請繼續提問」
 
「呢個係你嘅簽名係唔係?」
 
苗學翹望清楚「係」
 
「咁點解你否認答應將肖小姐個名加上物業?而家承諾書都上埋證據」
 
「因為呢張所謂嘅承諾書並唔係我簽，係肖家有人冒我簽名」
 




苗學翹打出呢一手，係控方預計到
 
「苗生，你應該趁筆跡專家未到場前….」
 
「林大狀，我而家質疑你嘅專業操守，係筆跡專家未作證前，你已經一口咬定呢張承諾書係我親筆所簽，法官閣下我現正決定唔再回答控方任何問題，望法官閣下批准」
 
三名法官低頭細語，然後揚手叫控方大狀過去
 
「控方大狀，如果再有呢種情況，本席會批准被告要求」
 
「被告證人可以暫時停止回答是次控方提問」
 
「辯方提問原告人」