係同屋室友?定係同居密友?: (S3)37. 公開資料

麥大狀行去肖師奶面前微笑問
 
「肖太妳邊到人呀?聽妳有口音喎」
 
「我係正宗潮洲人，父母都係潮洲人」一講到潮洲，肖師奶就會好興奮
 
「係呀，咁啱呀，我都係潮洲人喎」然後麥大狀送佢幾句潮洲話
 
肖師奶聽完後又一面不屑「你呢d都唔係正宗潮洲人，d潮洲話冇我咁正」
 




麥大狀聽到後微微一笑，而坐係控方嘅林大狀，個樣就「屌」左出黎
 
「正豬閪」林大狀心中暗暗講道，佢真係好後悔接左呢單case
 
不怕神一般嘅對手(紙巾chamber)，只怕豬一般嘅隊友(肖師奶)
 
「肖太太妳而家話自己係正宗潮洲人，係唔係?」
 
「係呀」
 




「但係….苗博士佢唔係潮洲人喎，妳仲點可以係佢自己人呀?苗博士係客家人喎」
 
「咁…我地係住係福田丫嘛，果到咪自己人囉」
 
「咁妳點肯定住福田就係客家人?」
 
「住得福田就係客家人架啦」
 
「咁妳係客家人定潮洲人呢?」
 




「兩樣都係」
 
「但係妳又話妳自己係正宗潮洲人?唔通一個人可以兩個種類?」
 
「咁阿爸阿媽可以唔同籍貫架嘛」
 
「肖太，苗博士媽媽係廣東順德人，爸爸就係寶安人，點都同唔到福田扯上關係喎」
 
「你唔俾佢阿爸由福田過去架咩?」
 
「咁既然妳話同苗博士係自己人，咁妳冇理由唔知道，苗博士係冇鄉下，佢地由祖上四代已經扎根香港，同內地根本一d關係都冇，佢地冇地冇親戚係內地」
 
肖師奶又再一次踩中陷阱
 
「轉一個問題啦肖太太，剛才令嬡話想妳地一家搬出黎，方便家人覆診係唔係?」




 
「係呀」
 
「咁點解妳地唔申請房署調遷呢?可以搵醫務社工幫手呀」
 
「搵完都冇結果，房署都唔一定受理，而且我地都交返間屋出黎囉」
 
「哦，唔受理，而且交返間屋出黎」
 
「咁佢話俾間屋我地住丫嘛」
 
「不過肖太，究竟妳係主動交返間屋出黎俾房署丫?定係俾房署收回單位，被趕出去呢?」
 
麥大狀呢一招好呀
 




「法官閣下，根據房署嘅回覆，肖太太一家人，並唔係主動交出單位，而係俾房署扣滿16分下令收回所居住嘅單位!」
 
庭內一片嘩然
 
麥大狀拎出左一份文件「呢份文件，係房署嘅回覆，上邊清楚寫明肖太太於天水圍嘅單位，係因為被消防處巡查發現多項違例，以及肖太太於內地擁有物業情況下而收回，同肖太太所講主動交出單位嘅事完全不相乎」
 
麥大狀將文件交俾書記同交俾法官
 
「基於肖太太作出假證供，我地辯方可以將佢列為不可信證人，而其證供將不能作實」
 
「可能因為所住單位被房署收回，肖太太先咁急想搬去我當事人苗博士物業居住，不過苗博士已經將物業放租」
 
麥大狀再為佢論據進行補充，佢拎出左一份文件
 
「法官閣下，各位在場市民。我手上有一份文件，係完全可以駁斥控方所指自己人、自家人嘅觀點。而呢份文件，我地得到美國駐港領事嘅批准同certified true，可以公開文件內容。麻煩法官閣下及控方律師驗證美國領事批文」




 
當三名法官同控方睇過批文，雙方都確認冇問題
 
「辯方可以公開資料」