係同屋室友?定係同居密友?: (S3)30. 庭前會議

因為呢單「爭產」案上哂電視關係，令到學翹同小祺生活上非常困擾，所以係開庭前，佢地都留係宿舍唔出街，而學校方面都俾左特別假期佢地兩個
 
而苗學嬛亦係新加坡趕返香港
 
開庭前，可能電視台因為肖家嘅律師有政治關係，不停播出有利佢地一家嘅資訊，安排訪問律師之類，而律師一貫表明自己係道理嘅一方
 
民意方面，同肖氏一家一樣由內地來港嘅市民就全力支持佢地同鄉，認為口頭答應就應該履行承諾，苗學翹要賠錢同係物業加上肖氏一家嘅名
 
另一方面，香港人就支持學翹，認為物業擁有人有權拒絕其他人係自己物業同財產上加名，而且肖小姐同學翹並冇婚姻關係，學翹拒絕係合情合理，而且一對合法夫妻，如冇婚前協議，婚後財產會係兩人共有，所以肖氏一家唔需要咁堅持要加名
 




係開庭前幾日，學翹同小祺一齊上左Chamber到再開會
 
「學翹你所有野準備好哂未?」黎大狀佢飛快咁睇緊文件
 
「所有野已經準備好哂，冇野漏」
 
兩個學師仔不停整理佢地自己一方嘅理據同資料，而檯面一份有學翹相嘅資料吸引小祺望住，係一份全英文嘅資料
 
小祺望望份資料，再望望學翹
 




「呢份係我地嘅皇牌絕招，如非必要我都唔會拎佢出黎」學翹講
 
「但係，我地一拎呢份出黎，就立即會贏?」
 
「冇錯，100%贏」麥大狀對小祺講
 
「但係點解我地唔立即用呀?」
 
「小祺，用呢一份資料，係要得到高層批准，而我地仲未有approval使用，因為要聯絡好多人，仲要certified true」黎大狀解釋
 




過左一陣，學師仔走入黎
 
「我地得到certified true啦」
 
小祺同睇睇份文件「黑人黎嘅?」
 
「好奇咩?」
……………..
係肖氏一家代表律師嘅辦事處，佢地亦自信滿滿。
 
「而家所有人都支持我地，我地實贏緊」肖太非常興奮咁講
 
「放心啦肖太，我會幫妳地爭取最多賠償」阿鼎亦自信滿滿咁講，眾人中唯獨係林大狀有少少擔心
 
當肖氏一家人出去慶祝之時，林大狀先道出佢擔心嘅地方




 
「鼎呀鼎，你唔好咁大口氣住，你仲未知對方大狀係邊個呀?」
 
所以話阿鼎真係法律界嘅奇材，佢身為事務律師，準備上庭之前都唔問清楚對家大狀係邊個
 
「唔洗怕喎，我地背景咁好，邊個都唔敢同我地打啦」
 
「唉，今次我地唔係一定贏」
 
「有咩怕?你咁驚做咩呢?對方大狀係邊個?我地打個電話叫佢地輸都得啦」
 
林大狀望一望呢個奇材「對方係紙巾chamber」
 
「咩話?佢地請得郁紙巾d人?」鼎而家先開始識驚
 




「仲要係HY MAK，佢打呢D官司未輸過咁滯」
 
「咁樣…而家去見一見佢地，睇下有冇彎轉?」
 
「太遲啦，過兩日就上庭，你點說服果班人呀?」
 
鼎拍一拍林大狀膊頭「冇事嘅，而家好多人企係我地果邊」
………………….
學翹著好一身西裝，小祺亦著上套裝加高踭鞋，踏出宿舍果時，已經見到黎大狀部車係到
 
苗學雯同苗學嬛亦係車上等緊
 
好快，佢地就去到高等法院