係同屋室友?定係同居密友?: (S3)28. 兔仔島

梁小祺拎住D糧食，係到分俾圍住佢嘅兔仔，佢手上嘅就係兔仔嘅兔糧，而呢D兔糧並唔係佢地係黎兔仔島之前買嘅，而係苗學翹係大學入邊，問照顧實驗動物嘅同事拎嘅，反正有多兔仔糧，佢地又用唔哂，與其放係大學擺到過期，倒不如俾人仲好。有見及此，苗學翹就毫不客氣咁，拎左好多兔糧
 
如今有高級兔糧出現，兔仔島上嘅兔仔自然唔食草，改為要求食兔糧，所以手上有兔糧嘅梁小祺自然會成為被圍嘅目標
 
「點解…佢地咁聰明，知道我有兔糧嘅?」
 
苗學翹望住俾兔仔圍緊嘅梁小祺，心中暗嘆「冇人叫妳show袋兔糧出黎架嘛」
 
於是苗學翹行過去，將一大袋夕仔收埋係自己背囊後，兔仔好快自然離開
 




「妳係咪未去過馬騮山?」「去過呀」
 
「咁妳應該知道，去馬騮山拎住野食，係會吸引d馬騮架嘛」
 
「係呀」「咁而家咪同一個道理囉┌妳拎住d兔糧，d兔仔就當然會圍妳啦」
 
梁小祺立即恍然大悟「係喎!!」
 
由於兔仔島上係冇餐廳，所以佢買左便當上島食，時值下午，兩個人分發哂所有兔糧俾兔仔後，就去下一個目的地，宮島出發
 




去宮島，首先要搭電車返去三原駅，再坐新幹線去廣島駅轉JR特急去宮島口駅再轉船
 
係船上，會經過宮島嘅名勝大鳥居
 
宮島上，同奈良公園一樣，係有一大堆陀地鹿係到收保護費
 
梁小祺一落船，除左見到宮島黃昏、街上商店嘅燈光之外，就係有幾伋鹿係店舖外打躉咁坐係到
 
兩個人行近大鳥居嘅路上，愈近大鳥居就愈多鹿
 




有遊客拎出麵包之類餵鹿，不過呢度D鹿有點串，唔係靚野佢地唔食，係宮島上買嘅野，佢地又唔太鍾意食
 
比起奈良公園嘅鹿，宮島鹿係比較串
 
晚上，佢地一嚐燒廣島蠔
 
兩小口晚飯後係宮島海邊散步、搭船等等返去高松，仲有幾日佢地就要返香港
 
「你單官司，你擔唔擔心呀?」
 
苗學翹一D擔心都冇，佢對自己姐夫好有信心
 
臨返酒店前，佢地再去超市行個圈，小祺用佢嘅雷達，探測到佢同學翹都好鍾意食嘅生果而家減價中
 
「喝喂!!!買幾盒返房試丫!!!」




 
係小祺眼前出現左士多啤梨，仲要係淡雪同埋悉島嘅櫻桃士多啤梨
 
返到房，洗好士多啤梨後，小祺同學翹就一齊試下係日本買嘅同係果欄買嘅有咩分別
 
其實日本會將最好嘅野留係國內銷售，所以佢地食完之後，怕返到香港會食唔到咁好食嘅士多啤梨
 
過幾日，佢地執好哂行李，準備返香港
 
係飛機上，小祺挨住學翹
 
「第一次搭飛機去旅行覺得點呀?」
 
「有你係到，去邊度都咁好玩」
 




落機後，學翹再CALL車，直接返到宿舍。兩人沖完涼後，一打開喼，再拎出手信係到核對，因為都有唔少人托佢地幫手買野
 
為左冇咁悶，佢地打開電視邊睇邊執野
 
忽然電視中，播出「西張東望」嘅預告，而肖氏一家人，就出現係電視上