係同屋室友?定係同居密友?: (S3)27. 下灘

瀨戶內海嘅景色經由予贊線車廂嘅窗戶，進入梁小祺嘅眼簾
 
海天一色、藍天白雲，呢d形容詞都唔能夠形容眼前嘅景色
 
由於出隧道後，予贊線嘅路軌係非常接近海邊，所以會覺得列車好似係水面上行走一般
 
梁小祺望呢一片景色，望得非常入神，而係佢身邊嘅苗學翹則剛剛瞓醒，將個人坐好
 
「好靚？」梁小祺點一點頭當做回答
 




「咁一陣落車後妳會唔會發癲?」
 
幾分鐘後，電車廣播系統傳出廣播「下一站，下灘，下一站，下灘」
 
學翹拖起小祺隻手，步出列車
 
下灘站是一個位於日本愛媛縣伊予市、隸屬於四國旅客鐵道（JR四國）的鐵路車站，車站編號為S09 。現時平日只提供普通列車服務，周末及假日則加停觀光列車「伊予灘物語」。係鐵路迷和攝影愛好者的其中一個必到的朝聖車站，不單止能在車站月台上面對伊予灘一覽無遺，亦是眾多攝影愛好者拍攝的理想場所。對面的國道378號又完全處於山坡之下，在沒有其他外來因素影響下，可以拍攝出很高水準的作品。過往很多攝影圖集、電影及廣告都愛在此取景，其中尤以於日本國鐵時代替「青春18車票」拍攝海報照的攝影師真島滿秀的照片最為出名，先後三次在此站取景，是令這地立時爆紅的原因。
 
列車一如以往會停係到數分鐘俾遊客影相，而學翹亦把握時間，影低有列車停泊嘅下灘站
 




當列車駛離後，全日本最靚嘅JR站就出現係梁小祺眼前
 
小祺俾眼前呢一片景色，靚到出唔到聲
 
「點呀?鍾意呢片景色嘛?」
 
小祺不停點頭
 
「就係知妳鍾意睇景色，先帶妳黎呢度」
 




 
眼前呢一片景色，已經唔知可以點形容
 
一個無人車站，一個簷，兩張椅，簡簡單單嘅設施，成為左全日本最靚嘅JR站
 
學翹為小祺影左無數咁多張相後先同小祺講
 
「等多一陣，最靚嘅時刻就到」
 
苗學翹所講嘅，就係下灘嘅日落同埋日落前嘅magic hour
 
兩個人坐係車站欣賞景色，由於係冬天關係，所以下晝4點左右，就開始日落
 
下灘嘅日落景色，深深吸引住梁小祺，苗學翹係小祺身後攬實佢
 




「開心嘛?」
 
「你又會知我一定鍾意日落景?」
 
「咁我都同妳住埋一齊，點會唔了解妳呢?」
 
「你黎過幾多次?」
 
「幾次啦，唔同季節黎，就係為左影相」
 
當佢地兩個影哂相後，回松山嘅列車亦都到站，登上列車，向松山進發。佢地返到松山都已經係天黑，所以佢地係百貨公司嘅餐廳食晚飯，然後再係松山JR站，搭列車返高松
 
經過兩小時車程，佢地返到高松市，行10分鐘左右，返到酒店。去到大堂check in時，酒店已經將佢地兩個人嘅行李送左上房，佢地係大堂要做嘅，就只係拎本passport出黎
 
上到房，兩個人做左同一個動作，一齊攡係床上




 
「好攰呀」x2
 
攰還攰，都係要去清潔嘅
 
打開行李，拎哂所有衫出黎後，浴室內又傳出兩個人嘅笑聲
 
今晚，佢地好快就瞓左