係同屋室友?定係同居密友?: (S3)26. 松山

「松山駅，松山駅」大約兩小時車程後，列車到達松山
 
松山市係縣廳所在地，為愛媛中最大城市
 
落車後，兩個人步出松山站，小城市景色進入兩人眼中。雖然係愛媛嘅最大城市，但相對於東京，莫講話23區，就連多摩川地區嘅小型衛星城市都比松山更大更繁華，四國果然係鄉下地區，不過松山都唔係最鄉下嘅地方，四國之中，有一個高知縣，果到交通最唔方便，所以甚少人去旅遊，就係呢個原因，果到係最寧靜嘅地方
 
松山市嘅交通好方便，所有路面電車均以一個百貨公司為中心，所以佢地首先去左電車去百貨公司到食野先，因為之後佢地都要係果到轉車
 
一上到電車，小祺就覺得好有懷舊嘅味道，因為松山市路面電車係好舊款，只有兩節車廂
 




到達百貨公司後，佢地去到6/F嘅餐廳後，再返電車站到等車
 
小祺非常好奇咁問佢地等緊咩，而學翹就叫佢等一等，好快有特別列車到達
 
五分鐘後，有一架蒸氣火車款色嘅路面列車駛進車站，然後再用自身車上嘅裝置，將列車180度調頭
 
一個著住舊式鐵道員制服嘅職員落車，學翹就立即走上去同佢買左兩張來回飛
 
十分鐘後，小祺上左列車
 




「呢部係小說家『夏目漱石』作品『少爺』之中，主角每日乘坐嘅列車，當然係復刻版，而且係行油渣，即係柴油。」
 
因為學翹係好鍾意鐵路嘅鐵路迷，所以佢爭取時間幫少爺列車影相，而小祺亦俾佢感染到，係列車上影低唔少相
 
搭左一次來回少爺列車後，小祺想問學翹之後去邊，不過佢都係冇問，因為佢100%相信自己嘅男朋友
 
兩次於現代日本鄉郊嘅時光之旅後，小祺彷彿好似返左19世紀日本咁樣，落車後，學翹帶佢買左個便當，冇錯，又係便當。
 
佢地返到松山駅，再一次等車，等嘅係予贊線，不過唔係相反方向，而係同佢地由高松去松山嘅同一方向
 




列車準時駛入月台，同樣係予贊線，不過今次嘅列車並唔係剛剛佢地搭嘅唔同，呢一部係比較舊款嘅列車，而且亦係柴油列車
 
小祺同學翹上車後，列車徐徐開出
 
好奇心非常大嘅小祺終於忍唔住問學翹，佢地目的地係邊度
 
學翹就神秘咁回覆佢「一陣妳就知，妳一定會好鍾意」
 
列車由松山開出，窗外由原來小城市景色，變成海邊郊外景色，只係幾分鐘時間，所以可想而知，愛媛係有幾咁鄉郊
 
小祺由車廂之中，透過窗戶望出瀨戶內海，覺得非常舒暢
 
「呢度嘅日落一定非常之靚」
 
「總有機會嘅」學翹微笑咁講




 
「故作神秘咁咣你，你又唔起身睇下風景，真食好靚喎」
 
「瀨戶內海我賜過好多次啦」學翹合上雙眼講
 
“隆隆..隆隆..”列車慢慢向目的地行駛，因為瀨戶內海景色非常靚關係，小祺並冇瞓著
 
當列車經過隧道後，眼前呢一幕令到小祺畢生難忘