係同屋室友?定係同居密友?: (S3)25. 到達四國

出雲號徐徐駛入岡山站月台，停泊係預定位置後，車門打開，大量乘客去到列車中間部份舉起相機，因為兩卡列車將會分開，日出瀨戶前往高松，而另一部份日出出雲就前往出雲
 
列車中間相連嘅接卡被工作人員分拆開後，相連地方有對門自動關上，變成兩個獨立駕駛倉
 
呢一幕，就係日出出雲號吸引人嘅地方，工作人員每日都好準時準確咁完成分開及連接工序
 
即使係好簡單、日常工作程序，但係日本嘅工友依然照足SOP去做，每一下都跟足標準，而且個人安全乃防護亦做到好足
 
係月台上睇緊嘅學翹同小祺，發揮佢地嘅職業病，不過係到睇工友嘅安全。因為對於佢地兩個黎講，有人去到列車路軌之上工作，係一件好危險嘅事
 




兩列列車成功分開後，乘客紛紛返上自己所屬嘅列車
 
而小祺同學翹返到上車後，就準備補多一個鐘眠，但係醒左之後，就真係好難再瞓得返
 
日出出雲號首先開車，然後日出瀨戶亦緊接著駛離桃太郎之家-岡山站，準備經過瀨戶大橋線渡過瀨戶內海，向四國進發
 
四國，故名意義，係四個國家嘅地方，講嘅係古時日本，四國島上，如同現今四國一樣，有四個不同國家，或者大名所分封，而現今四國則有四個縣，分別為德島、香川、高知以及愛媛
 
相對於東京、大阪或者福岡等地，四國任何一個城市都比大都市更寧靜更舒服，而且暫時四國係唯一一個地方未有某國旅行到嘅地方，因為四國係日本人眼中，同鄉下地方無異，而且四國係唯一一個冇新幹線嘅地方，仍然有唔少地方係需要使用柴油動力嘅列車行駛
 




四國最吸引人嘅地方，就係佢嘅寧靜，冇大型主題公園，擁有自然景色，所以學翹係行程第二個星期，選擇黎四國同埋遊覽廣島
 
日出瀨戶號準時進入高松站月台，列車停定後，學翹就帶住小祺去食烏冬，因為高松d烏冬都非常出名
 
食過早餐後，佢地兩個又再一次返到高松站，再一次登上列車
 
不過今次佢地乘坐嘅，係由高松到愛媛松山市嘅予贊線特急，都差唔多要兩小時車程
 
呢兩個小時，最好就用黎補眠
 




一上到車上，佢地就較好鬧鐘同埋座位，由於係平日關係，所以乘客數目唔算多
 
佢地部列車準時整點開車，因為係特急關係，所以有d站係會飛過唔停
 
小祺同學翹好快就瞓著左補眠，列車行駛時好靜，所以佢地兩個瞓得好舒服
 
當有職員推過餐車賣便當時候，佢地兩個依然沉睡中，所以列車職員經過佢地身邊時，都靜靜地行過
 
係學翹背囊嘅記事簿中，已經JOT低哂一陣去到松山有咩要做，佢地會係松山再轉多一次車，當然佢地會食左午餐先
 
呢個四國之旅，完全係為左鍾意寧靜嘅小祺而安排
 
列車繼續行駛，學翹突然間醒一醒，再檢查一陣到松山嘅行程後，收好記事簿，再一次合上雙眼去補眠