係同屋室友?定係同居密友?: (S3)21. 漁市場

成行成列嘅黃旗吞拿，即係拖羅放哂係大家面前，一眾買手係到不斷選擇心水嘅魚。小祺企係一邊好緊張咁睇，所有買手都係落暗標
 
每一條拎出黎賣嘅拖羅都係上等貨色、肉質鮮甜，腩位肥而不膩，魚脂肪入口即溶
 
如今成堆魚放係大家面前，就顯得唔太值錢
 
「呢D魚會唔會送去外國?」
 
「會架，買手一買到，就立即放入雪上邊，然後立即運去機場，飛香港、韓國台灣」
 




「仲有冇其他野一齊飛?」
 
「仲有D雪蟹，差唔多開始拍賣啦」
 
“叮叮叮”拖羅出場，一眾買手去觀察，係一大堆拖羅
 
漁市場職員講出一大堆小祺唔識聽嘅日文，然後除帽行禮，即係代表呢條魚已經賣出
 
學翹好細心嘅留意住某幾位買手，當佢地一落標果時，學翹就對小祺講要儘快去另一度
 




「去另一度?」 「係呀，呢兩個金牌買手，佢地一落標，就一定係落最好嘅魚，所以我地而家去佢地負責嘅店舖排隊，好快就有新鮮漁獲入肚」
 
學翹同小祺去到一間比較舊嘅店舖，係一間非常傳統嘅壽司店，而唔係迴轉壽司
 
一拉開道紙門，就聽到一句好齊嘅日文
 
「いらっしゃいませ」
 
店員憑著經驗，一眼就睇出佢地係遊客，所以好快拎外語餐牌出黎，誰又料到學翹可以用流利日文同店員溝通
 




學翹揀左個拖羅套餐，即係點左剛剛買手買返黎嘅拖羅，而且佢地仲可以睇到D魚係點劏，因為佢地個位正正係對住師傅
 
係日本，劏魚同香港街市劏魚方法唔同，大家唔洗深究
 
高價買返黎嘅拖羅搬到店內，放係分割專用嘅台上
 
師傅用熟手嘅技巧先將頭同尾部及鰭位切開，然後將魚身上嘅硬皮及鱗片，用同一把刀全部去除
 
再係魚腩位置切開一個口，將內臟清除，再係魚身避開所有魚骨，將一塊塊肉切出
 
色澤鮮明，師傅就好庖丁解牛咁，好快分好條魚
 
然後開始為小祺等人準備壽司及刺身
 
小祺夾起剛剛切出黎嘅拖羅刺身放入口，果種好食程度，已經唔知用咩詞語去形容




 
「估唔到，真係咁好食」小祺食緊時都不忘讚條魚
 
「我怕妳食過之後返香港唔再食D普通連鎖壽司店」
 
除左拖羅之外，壽司師傅仲即場將活生生嘅魚，即劏為刺身俾客人食，保證100%新鮮冇添加
 
即劏嘅刺身非常鮮甜，仲有魚子一D都唔腥
 
小祺對於佢呢個刺身早餐，非常滿意亦非常滿足。當佢地離開舖頭時，先發現佢地一早去係正確嘅選擇，因為舖外已經大排長龍
 
食過早餐後，佢地返到去酒店，將一兩套瞓覺衫同內衣褲執出黎放係背囊中，然後拉住行李去CHECK OUT
 
不過CHECK OUT之時，學翹同時填一張黑貓宅急便嘅單，將行李送到去四國嘅酒店
 




因為今晚佢地會搭出雲嘅卧舖列車去高松，預計聽日早上八點左右到埗，而行李就由運輸公司用貨車運去四國，時間會剛剛好
 
CHECK OUT後，佢地開始最後嘅東京遊