係同屋室友?定係同居密友?: (S3)22. 祈福

係sky tree中，佢地將成個東京首都圈都望哂，而且仲望到富士山
 
「你話我地請兩星期假黎旅行會唔會太過分?」
 
「妳仲新，妳都未見過大老闆請三星期返美國加拿大渡假」
 
「三星期?!」
 
「係呀，佢地呢d舊制人，每年有30日假，可以帶14日去下一年，一年要請30日都唔知點請好」
 




「咁我地呢?」
 
「我地每年18日，做夠10年就22日，帶14日，即係36日」
 
「咁我地請22日就易d」
 
「仲未計波假呢」
 
「咁你點請假黎日本玩架?」
 




「咪長假期駁星期六日之類囉，我一早plan好哂」
 
「下個長假期係…新年喎」
 
「係呀，請2日，放9日」
 
「咁你又打算去旅行?」
 
「新年唔得啦，我要當值，應該留係宿舍到頹廢就算」
 




行完sky tree，下一個地點一定係淺草雷門寺，呢個係必然嘅行程
 
一踏入淺草，就遠遠見到雷門寺嘅logo，由於呢到係屬於遊客區關係，所以都聽到唔少廣東話
 
小祺行到去祈福轉運嘅地方，跟足指示去祈福，而且佢係非常誠心咁祈福
 
另一邊廂，學翹亦都誠心祈福，佢地兩個人都係為左對方而祈
 
「剛才你祈左咩呀?」小祺抬頭望住學翹問
 
「祈左咩呀…..唔….關於妳嘅」
 
「我嘅?」
 
「唔……想妳以後可以開開心心咁生活，唔好再俾人蝦，永遠留係我身邊」




 
聽到學翹咁講，小祺立即攬實學翹
 
「咁妳呢?妳又祈左d咩?」
 
「我希望，你之後場官司大勝，同埋唔會再俾人煩」
 
「煩呀….如果我要娶妳嘅話，會唔會俾妳屋企煩呢?」
 
「一定唔會，我結婚果時都唔會搵佢地做證婚人」
 
兩小口開開心心咁離開淺草，然後就去原宿到行街。當小祺見到原宿站時，佢覺得好得意，一個咁有古式鄉味嘅車站，係現代化嘅東京之間，顯得非常有趣
 
原宿，類似旺角銅鑼灣等地，好多年輕人嘅事物
 




小祺一直都係用背囊，甚少用手袋之類。今日學翹帶佢去原宿嘅potter舖
 
「妳揀個袋啦」 「做咩無啦啦要買袋呀?」
 
「咁妳日日都孭住個背囊返學咩，而家妳同我一齊住宿舍，都唔洗帶咁多野啦」
 
「唔……」小祺係考慮緊果時，學翹已經拎左個斜孭袋俾佢
 
「都可以，不過我有一個條件」
 
「咩條件?」
 
「我…..想同你一齊孭」
 
於是，學翹就買左一對potter袋。今次去日本，佢地暫時有一對筆同一對袋




 
下一站，佢地去左一個非常毒嘅地方，秋葉原
 
佢地一出JR站，小祺就見到一大班毒男圍埋一齊打機，唔係一個，而係一大堆
 
秋葉原除左多毒男同女僕Café之外，仲有賣av同sex toys嘅舖頭，於是，學翹就抱住「學習」嘅態度入去行個圈
 
而小祺呢，佢就去左Don don don donki行
 
係百無了賴下，佢見到一間sex toys店，係女性專入，而門口又寫住英文ok，所以小祺就膽粗粗行入去
 
一入到去，都見到唔少女仔係到睇野，佢地仲拎起黎有講有笑
 
「日本果然好開明，女仔都可以光明正大咁睇野」小祺心中暗道
 




舖中有多部電視，仲介紹唔同產品及用途
 
而家電視中介紹緊後花園玩具，有兔仔尾、震動器、拉珠等等
 
小祺面紅紅咁睇，同時，有女店員過黎介紹
 
於是，小祺就膽粗粗咁，買左上述幾樣野
 
點解小祺會由一個小妹妹變到咁大膽?咪又係Rachel囉
 
佢地講過，如果係危險日子，大家又想要咁點。用口的話，只有男先舒服，如果女要舒服嘅話又唔想用套就唯有….