係同屋室友?定係同居密友?: (S3)16. 浸浴

係酒店房內，兩個人放低行李坐低休息一陣
 
「估唔到日本真係咁舒服」小祺打開窗簾望風景
 
「就算係市區，D景色都係咁靚」
 
由於係冬天關係，日本好快進入黃昏，只係下晝4點左右，天色已經開始轉黃變暗
 
此時小祺係酒店房伸左個懶腰，執好夜晚要用嘅行裝，就到左晚餐時間
 




學翹自己一個人黎過日本好多次，新宿對佢黎講都非常熟
 
所以今日佢帶左小祺去一間日式鍋到食，俾佢感受下日本嘅日式火鍋同香港果D有咩分別
 
坐係爐前，兩個人慢慢放肉落去鍋之中，寒冷天氣加火鍋係一個一流嘅配搭
 
「估唔到日本係自己用電話落單，而唔係自己出去夾野食」
 
「人地好著重專業，過幾日帶妳地其他餐廳睇下，包妳大開眼界」
 




兩個人食完晚餐，係新宿街頭慢慢行
 
經過一個好出名嘅公園，小祺以佢女性嘅直覺，感覺企係一邊嘅女仔，唔係普通人
 
「果D…係唔係….」
 
「果D呀….通常都係，新宿歌舞妓町好多呢D人」
 
「咁頭先拎住牌有價錢果D呢?」  「果D係叫你上去飲野傾計，有冇下文就自己爭取」
 




小祺撓到學翹實
 
「唔洗擔心喎，呢到好多警崗，治安唔差」
 
小祺抬頭望一望學翹，再伸手去佢條頸到，當刻學翹條頸有D凍
 
「做咩你條頸咁凍嘅?」
 
「下?食完野，件衫有D味，咪唔拉高囉」
 
「你會凍親架喎」
 
終於等到機會，小祺係袋中拎出佢自己親手織嘅頸巾，將佢戴係學翹頸上
 
「拿….得你有架咋….」




 
「妳幾時織架?我唔知嘅?」
 
「係樓上織囉，我點會係屋企織呀」
 
頓時間，學翹心中非常溫暖
 
「返去啦，行左成日，尋晚到而家都未休息過啦」
 
兩小口返到酒店，一齊坐係床上
 
「好攰呀」X2
 
攰還攰，涼都係要沖，所以佢地一齊入浴室，開好一缸水，倒D去疲勞浴鹽後，一齊浸落去
 




期間，學翹仍然不停咁摔下小祺對小籠包
 
「喂呀!!!今晚唔得呀，攰啦」小祺依舊笑住抗議
 
「咁唔代表唔可以摸架」
 
「你個咸濕佬丫」
 
「咁我鍾意摸丫嘛」
 
「你唔係應該鍾意D大架咩?」
 
「我只係鍾意妳呢對小籠包」
 
經過一齊浸浴後，佢地兩個都同時上水抹身，小祺係房中洗兩個人嘅貼身衣物後晾起




 
而學翹就拎左D衫褲同襪去自助洗衣機到洗焗
 
當學翹拎住乾淨嘅衫返房時，小祺仍然未瞓
 
「妳唔攰咩?」 「少少啦，想等埋你先」
 
「好啦，我都準備瞓啦，我地連續兩日入迪士尼」
 
「我真係第一次連續兩日入園玩」
 
「咁有分迪士尼同海洋迪士尼，點都要玩兩日架啦」
 
學翹換好衫，瞓上床果一刻，小祺就立即攬實佢
 




「做咩攬到實一實呀??」
 
「唔….冇你係身邊瞓唔著」
 
學翹同樣地攬實小祺「咁樣瞓到未呀?」
 
「得啦」然後佢地合上雙眼
 
可能真係太攰關係，兩個人好快就瞓著左
 
Red eye flight真係會令人好攰