係同屋室友?定係同居密友?: (S3)17. 東京迪士尼

翌日早上，小祺打開雙眼後慢慢坐起身，而學翹就已經梳洗好，由洗手間行出黎
 
「瞓得舒服嘛?」 「咁前一晚都冇咩點瞓，當然舒服架」
 
「快D去刷牙洗面先啦」學翹將一頭亂髮嘅小祺抱起再行入洗手間
 
好快，小祺就已經梳洗完畢，換上比較舒適嘅衫，佢地就去lobby出發
 
地下餐廳同lobby嘅café都提供早餐，於是佢地揀左地下餐廳，試下享用日式早餐
 




有飯團、麵包之類
 
係佢地食緊早餐嘅時候，學翹都拎部電話出黎睇下東京迪士尼嘅apps，同計下搭JR嘅時間
 
由新宿去舞濱，首先要手搭中央線快速去東京站，再轉京葉線
 
係東京站內，小祺拖到學翹實一實，因為佢知道東京站仲複雜過新宿站
 
京葉線都要行一段路，不過佢地好快就上到車，向舞濱站出發
 




係車上，有唔少香港人一齊，大家都係去東京迪士尼
 
一出車站，東京迪士尼已經出現係小祺眼中
 
「點呀?同香港迪士尼完全唔同呢?」
 
「就咁睇門口就知東京迪士尼大好多」
 
「入邊仲多野玩好多」
 




「但係…我都係鍾意香港迪士尼多D」小祺邊講邊望住學翹
 
學翹又點會唔知道點解呢，佢地兩個係香港迪士尼確認關係，所以對佢地嘅意義係非常之大
 
去到入園處，先俾人檢查個袋，然後拎出電話俾職員掃下qr code，搞掂，好快可以入園
 
學翹第一時間同小祺去拎左fast pass先，然後再去排日本嘅小熊維尼
 
東京嘅小熊維尼，比起香港果個玩耐d，而且內容仲比較豐富
 
佢地拎左怪獸公司同Space mountain嘅fast pass，到左指定時間，佢地就去玩返呢兩個遊戲，再去拎定其他fast pass
 
「有fast pass真係方便好多」 「香港以前都有架，不過得果兩個game」
 
佢地兩個人坐係環迪士尼嘅火車，東京嘅火車比香港嘅更靚，而且可以左右兩邊睇景




 
四周圍都有人同你打招呼
 
而且今年冬天比較凍，所以日本已經落雪，係迪士尼四周都有積雪
 
有工作人員係某D欄杆上，用雪整左迪士尼卡通人物嘅小小雪人
 
小祺見狀，立即拎出電話影低呢幾個咁可愛嘅雪人
 
而家只係第二日，學翹已經諗緊兩星期夠唔夠佢同小祺玩
 
有時有遊戲要等20分鐘，係香港迪士尼等果時都已經嗌哂救命，係香港天氣真係好熱好焗，不論冬天夏天
 
但係係日本迪士尼等果時，氣溫令人覺得非常舒服。即使係落左雪，感覺上其實唔係太凍
 




係日本，好多女高中生去玩都係會著校服，因為方便同朋友一齊襯衫，所以係東西迪士尼中，會有好多女高中生著住校服，不論係水手裝定係其他款式，比起數年前香港突然興起著偽日本校服好睇得多
 
學翹同香港普通男仔一樣，都有睇AV嘅習慣，雖然佢鍾情於鷲尾芽衣、三上悠亞、天音真比奈、櫻空桃等等一眾巨乳幫，但佢都會睇下河北彩花、青空光、美谷朱里、榮川乃亞等等上圍冇犀利嘅女優
 
所以當一D著校服嘅女高中生經過佢附近之時，學翹嘅雷達就會自動接收到絕對領域/A.T.力場
 
果刻佢會以超光速咁望過去，就算小祺而家係佢身邊，佢都可以照望
 
而小祺就係佢身邊陪佢一齊望
 
學翹飲住汽水咁望，眼前嘅女高中生絕對領域幾好，雙腳比例唔錯，而且膚色仲好白。不過佢可愛嘅笑容，伴住唔太整齊嘅牙，就扣左D分
 
「佢D牙唔整齊喎，你都望呀?」估唔到小祺都一齊望到
 
「妳做咩望女仔呀?」學翹對於小祺一齊望女仔，覺得不可思意




 
「咁你望，我都可以望者」
 
當晚，佢地兩個係係迪士尼等睇煙花
 
東京迪士尼嘅煙花比起香港迪士尼嘅更靚，不過小祺仍然係鍾意香港果場多D
 
連同第二日去完海洋迪士尼後，就到小祺非常期待嘅環節