係同屋室友?定係同居密友?: (S3)12. 抽獎

係燒烤場內，總係有d遊戲提供俾客人玩，而老闆就問場地借左個遊戲道具，俾大家爭奪大獎
 
一開始係抽獎先，應該係話交換禮品。話明一大班成年人交換禮物，肯定有d三級禮物出現，不過只要大家笑得開心，少少變態大家都冇咩所謂
 
在場有好多份禮物都比較大份，例如學翹果份，size唔細，而小祺就準備左一d實用少少嘅禮物出黎交換。
 
一開始就請各經理拎住個箱出黎俾同事自己伸手入去抽號碼，好公平公正公開，絕無造馬之嫌
 
大家拎住自己個號碼，一個個去拎禮物，有同事一拎，就知道係咩禮物
 




正常禮物有文具、手袋，背囊等等，呢d都係女同事送出嘅禮物
 
「喂呀!!!邊個送M巾呀!!!」Connie拆開份禮物邊笑邊講，好明顯，係一份好實用嘅禮物
 
係同事們中，有人大叫「嘩!!!!日本平安御守呀!!!!邊位同事去完日本旅行呀???」
 
果位同事摸兩摸後「喂，圓形嘅?」在場男同事已經估到係咩
 
「邊個送Condom呀!!!!!!!」
 




大家嘻嘻哈哈咁不停笑
 
輪到小祺打開佢抽中果份，非常正常，而學翹果份都非常實用
 
小祺今日送出左usb一隻，而學翹呢…..勁囉
 
當果位同事一打開後，就傳出淒厲嘅嚎叫
 
「呀!!!!!!!!!!!!!!!!!!!嘉頓什餅呀!!!!!!!!!!!!!!!!!!!!!!!!!!!新年果罐都未食哂呀!!!!!!!!!!!!!!!!!邊個咁冇良心呀!!!!!!!」
 




其實唔單止嘉頓什餅，新年三寶都同時係呢個抽獎中出現，當然唔係同一個同事中啦
 
佢地都算好彩，有人抽8kg金象，而果位同事係住得最遠……
 
所以話，貪玩嘅唔止係男同事，基本上，佢地成個部門都好鍾意玩
 
交換禮物後，吳教授指住燒烤場提供嘅道具，開始抽獎
 
因為係現金獎關係，大家都非常緊張，一齊望住個箱
 
獎金陸陸續續送出，可惜小祺同學翹仲未俾老闆抽中。小祺有點失望，因為佢想抽中獎金，為旅行社幫補一D
 
隆隆嘅鼓聲準備為二獎幸運同事配音，大老闆一抽
 
「啊!!估唔到係佢喎」大家非常期待係自己




 
「二獎，$3000蚊嘅幸福兒係…..Suki!!!」
 
小祺估唔到自己可以抽中二獎，仲要係現金獎$3000，呢下小祺心諗，去旅行可以幫補一d啦
 
「好啦….到最後大獎….現金$5000，邊個想要呀??」
 
一講到係大獎$5000，所有同事變得非常緊張，好希望中獎嘅係自己
 
大老闆笑騎騎咁抽「可能會係我呢」
 
如果真係抽中大老闆自己，可能佢都要拎返出黎再抽再加碼
 
相信呢個係大家都好想見到嘅結局
 




老闆一抽出黎一睇 「咦?佢呀?有冇咁好彩呀?」
 
「邊個邊個?」所有同事都好緊張，吳教授笑一笑
 
「可能佢換完車，要多少少錢補返，中大獎者係，學翹呀!!!」
 
怪不得老闆話好彩，大獎係學翹中，二獎係小祺中，兩個人加埋成$8000。大家係到起哄大叫羨慕，令到小祺塊面非常紅
 
學翹出去拎大獎，老闆借d意問「$5000喎，夠你做d咩呀?」
 
「下星期去旅行夠補貼下嘅」
 
「$8000夠唔夠你同Suki用呀?」
 
「呀…….」一向見慣大場面嘅學翹都俾老闆問到口啞啞




 
「老闆你唔洗理我同Suki夠唔夠用，你直接加我地人工就得架啦」
 
聽到學翹咁樣講，大家都高聲歡呼
 
有咩開心得過加人工呢?