係同屋室友?定係同居密友?: (S3)11. 背景

「3…..30萬?」
 
「佢有咁多錢嘅?」
 
「果d應該係佢父母d賠償金呀?」穎雯係佢地身邊講
 
小祺就點一點頭
 
「佢屋企人唔係到架啦?」
 




「係呀，記唔記得早幾年有單意外，有間公司出意外，被發現上品數據做假後，導致有用家傷亡?」
 
「我記得有呢單新聞，係內地一間公司，唔通，聰明仔父母係果d用家之一?」
 
「冇錯，如果唔係因為有外國人，可能到而家佢都拎唔到任何賠償」
 
「睇佢平時成日微笑，估唔到佢咁可憐喎」
 
「而家咪有Suki陪住佢囉」
 




「咁Suki妳幾時發現自己鍾意左人地架?」呢條問題一出，大家都好期待
 
「係囉，果時仲有Leo追緊妳，點解妳會揀聰明仔嘅?」
 
「點解呀….唔…..」小祺係到不停諗，其實佢自己都冇答案
 
「我都唔太清楚….」
 
「咁妳地拍拖前…一男一女同處一室，會唔會…尷尬呀?妳d胸圍底褲…」
 




「其實…我地所有野都撈埋一齊洗…而且….」
 
「而且咩呀?」大家好緊張
 
小祺望望周圍後，細細聲講「打10號果晚，太大風，我自己一個好驚，所以就….叫佢….呀…」
 
「妳叫佢陪妳一齊孖舖呀?」有d女同事已經估到
 
小祺好怕羞咁點一點頭
 
「妳咁大膽嘅!!!!!」  「咁我真係驚丫嘛」
 
「咁都係一晚者」
 
「咁我信得過佢唔會亂摸嘅」




 
「妳一定好放心啦，佢係一個直男」 「我完全feel到啦」
 
「不過Suki妳何嘗唔係一個宅女呢」
 
係男仔果邊，大家似乎都對呢一Pair小情侶有d興趣，當然，問嘅係男人問題
 
「喂聰明仔，點解咁多女仔唔揀你偏偏揀Suki嘅?」
 
「係囉，得罪講句，佢就…」
 
「個樣一般、冇波冇長腿」學翹搶先一步講
 
「咁你鍾意佢d乜?」
 




「呀…..佢可愛，而且令人想好好保護佢….果d囉」
 
「咁其實你係唔係為左佢而換車架?」有同事問
 
「拿拿拿，換車就係我決定嘅，我部Jimny仔係我屋企人俾我嘅舊車，係時間要換啦」
 
「咁新車如何?」
 
「一流!!」
 
好快佢地話題由小祺變左車，所以話，男人係一班好鍾意玩嘅生物
 
一大班男仔細聲講大聲笑，又不停干杯，係附近嘅女同事都估到班男仔講乜野
 
「佢地成班圍埋一齊又笑又飲，來來去去都係講果D衰野存啦」




 
「男人嘛，就係D咁簡單嘅生物」大姐Christina唔知係咩時間企左係小祺佢地果個爐果邊
 
「大姐妳都覺得係呀?」
 
「妳地睇下，不論係咪結左婚，定係出身好耐果d，一講到玩，就非常開心」
 
「男人有得玩就得架啦」
 
Christina又讚下小祺「Suki妳地平時幾好丫，公私分明」
 
「其實….佢有幫我手做野…」小祺細細聲咁講
 
「下??聰明仔會幫妳手架?佢唔係已經忙到分唔到身咩?」
 




大家都好想知道學翹點幫小祺
 
「其實…佢係樓下幫我解答新同事係confirmation同system問題，有時我去lab inspection果時，發現有d lab一直存在嘅問題已經改左，我先知道係佢幫我解決」
 
「聰明仔佢點幫妳解決呀?」
 
「咁…佢係到送左咁耐野，識落唔少人同教授。佢去個lab到講一次，如果學生肯聽話，會好快改善」
 
「唔聽話果d呢?」  「佢會直接同教授講，大家咁老友，個教授好快會處理」
 
大家萬萬都估唔到，一直以來佢地面對嘅問題，好簡單咁俾學翹解決左，當刻，佢地都覺得樓下供應部嘅同事都唔係等閒之輩。