係同屋室友?定係同居密友?: (S3)10. BBQ

今日係自助式BBQ，類似壯陽苑咁，不唔同嘅係自拎野食返到黎後，要自己係個爐上燒或者用叉拮黎燒
 
今次佢地部門揀左類似外國燒烤形式咁，用鉗係爐上燒野食，所以呢個時間，又係學翹表演嘅時候
 
係個大爐上，一堆腸仔同丸已經排列好，熊熊嘅火將食物燒到金黃，傳出陣陣香氣
 
學翹係食物上加上甜甜嘅蜜糖後，將食物再加熱，然後上碟遞俾小祺
 
其他女同事見狀，非常羨慕
 




「呀…..Suki妳就好啦，有個咁好嘅男朋友照顧妳」
 
小祺聽到後，將野食遞俾其他同事「佢都唔係只係為我準備野食呀」
 
「我地食哂，咁佢食咩呀?」
 
小祺拎出佢地兩個用嘅盒(為方便，佢地自己帶左盒去入野食)
 
「佢果d係到呀，佢話會幫妳地整埋野食架嘛」
 




「妳男朋友真係好人呀」
 
係燒烤爐前嘅學翹，同一眾男同事係到燒野食
 
「喂，你唔過去Suki果到嘅?」
 
學翹轉身望一望小祺，佢地食得好開心
 
「過去做咩呢?」學翹一面鬆容
 




「咁你同Suki係……」 
 
「咁拍拖同居都可以有私人空間架嘛」
 
「但係你仍然不停咁燒喎，你自己唔洗食?」
 
「就係想用野食塞住班女人把口，等佢地唔好問長問短。反正成個部門都知我地兩個嘅事，仲問咁多做咩?」
 
「嘩!!高手!!」每男同事無一不讚嘆
 
燒好一大堆野食，學翹走返去小祺隔離，大家用同一份餐具
 
「呀….你地係到派狗糧呀!!!!」
 
學翹拎出自己嘅餐具「冇呀，又唔係用同一隻叉食野」




 
咁學翹咁講又冇錯嘅
 
小祺好識趣咁留低d牛扒、金沙骨之類俾學翹
 
現場有啤酒汽水提供，要渣車嘅學翹自然唔會飲酒，佢飲返最鍾意嘅可樂。小祺見到學翹身邊冇野飲，好快就遞左罐可樂出黎，呢一幕，各同事盡收眼簾
 
「真係好羨慕你地兩個呀」有女同事忍唔住又叫
 
而其他女同事亦乘機問下眼前呢對甜蜜小情侶嘅事
 
「你地咁甜蜜，一齊返工一齊放工，又住埋一齊，打算幾時結婚呀?」
 
學翹同小祺一聽到話結婚後，兩個不知所措
 




「唔係喎，你地下星期去旅行喎，會唔會……兩個去三個返呀?」d女同事笑得愈來愈開心，而小祺塊面就愈來愈紅
 
「呢d野，唔洗咁快講嘅」學翹出黎幫小祺解圍
 
「即係聰明仔你有意同Suki結婚?」
 
「咁….如果兩個人拍拖耐，又夾嘅話，下一步就結婚架啦，唔係咩?」
 
言下之意已經係講左，自己準備，計劃同小祺拉埋天窗
 
「啊!我過返男同事果邊先」學翹起身，飛快走過去交換番號果一堆人到，有見及此，各女同事再問深入D
 
「係喎Suki，平時妳地係宿舍d家務點分配架?妳會幫手煮飯?」
 
「我…我呀…其實」  「點呀點呀?」




 
「我只係負責收衫同摺衫…..其他野都係聰明仔佢做哂」
 
「即係..煮飯洗碗清潔佢一個人做哂?」
 
小祺點一點頭
 
「係佢唔俾妳做?」
 
「係呀….佢話當初係佢叫我去宿舍一齊做室友，所以唔需要我咁操勞，全心全意溫習」
 
「佢對妳太好啦，成個寵妻狂魔咁，佢仲有咩對妳好呀?」
 
「呀…佢幫我還清哂學債，我只係還過兩期俾佢，就唔洗我再還」
 




「總共幾多錢呀?」
 
「大約….30萬左右」小祺細細聲講