係同屋室友?定係同居密友?: (S3)08. 金光噴射飛航

學翹今日瞓左係床上，面色非常難睇。尋日佢係學校canteen食左三餸飯後，夜晚返到宿舍就開始肚痛肚屙，其實學翹一早就去左診所拎定藥，等去旅行時有保障，不過，佢點都估唔到，未出發，佢已經要食腸胃炎藥
 
小祺係廳嘅梳化望住學翹，計一計，佢已經金光噴射飛航左8次
 
學翹為左唔阻到小祺休息，佢自己揀瞓梳化
 
「你個肚點呀?」「應該仲未屙清」
 
「叫左你地成班唔好玩咁大架啦，好玩唔玩，走去食三餸飯」
 




因為今日學翹同班總部同事輸賭，輸果個要去食學校食最難食餐廳嘅三餸飯
 
果間餐廳係出哂名難食，但估唔到今次係食到屙
 
除左學翹之外，總部仲有兩個同事一齊屙
 
有見及此，小祺決定今晚果餐由佢負責。小祺入到廚房，係雪櫃拎出左幾舊肉同埋係米缸拎出米，洗好米，佢就將咸瘦肉同米一齊去煲粥
 
對小祺黎講，叫佢煮一餐正常嘅飯都已經非常難，更何況煲粥?不過為左學翹，小祺決定點都要自己試一試，最多大家一鑊熟
 




屙完後嘅學翹入到廚房，打算幫自己煲粥，一入到去佢就見到小祺全神貫注咁對住煲粥，於是，佢就走到小祺身後一攬
 
「妳幫我煲粥?」 「係呀，不過應該冇你煲果D咁好食」
 
「傻女，妳煮咩都咁好食嘅」  「真係?」
 
「呃妳做咩喎?」 「你坐出去等啦，你仲未好架」
 
學翹聽小祺話，出左飯廳坐低，隔左陣小祺就拎碗粥出黎
 




「妳自己D野食呢?」  「我陪你一齊食粥」
 
「妳夠架啦?」 「夠啦」
 
兩個人係宿舍中撐唔知第幾次檯腳，食哂晚餐後，佢地又一齊坐係梳化上
 
「你呀，要快D好返呀，下星期又聚餐，之後又去旅行」
 
「妳好期待去旅行喎」
 
小祺面紅紅低聲講「咁第一次同你去旅行，當然有期待架」
 
學翹係小祺耳邊細聲講「晚晚都要一次?」
 
「咩呀!!!你又諗衰野架!!!」




 
「咁妳次次都夾到實，係妳咸濕先喎」
 
「你唔係好想咩?次次一黎果時…你都攬到實….然後就頂到最入先射出黎…搞到我又想要多次…」
 
「原來妳係一個咸濕妹」
 
「咁….只係俾你一個咸濕咪夠囉」
 
今晚，佢地兩個人好乖咁早d瞓，因為學翹屙左成日，真係冇咩力
 
經過幾日休息，學翹都好返7788，小祺千叮萬囑，叫佢唔好再亂食野
 
大學考完哂試，開始winter sem，所以小祺同學翹工作量都唔太多，而且佢地都差唔多準備放假
 




但係放假前，佢地部門都會有個聖誕聚餐。而聖誕節，佢地就慣左book地方去bbq，一大班人一齊燒野食非常開心
 
一如以往，聖誕節bbq會係星六下午開始到晚上完結
 
今日學翹渣住部新車，同小祺兩個人一齊出發
 
基本上，全個部門都已經知道佢地兩個同居拍拖嘅事，即使佢地兩個係學校返工果時冇咩交流，但係少少蛛絲馬跡總係有，最簡單就係小祺一定會等學翹車，佢地兩個會一齊食早餐，仲有一齊去買餸等等，只係大家心知肚明，唔講出口而已