係同屋室友?定係同居密友?: (S3)07. 出手相助
滴…滴….滴….
小祺今日係Lab branch上準備緊檢查ICP-OES BEC所用嘅solution，佢跟住Manual已經開左幾次，不過都係run唔到理想嘅result
一向脾氣好好嘅小祺，都差d忍唔住要扔野。佢要準備好哂所有野之後，先可以將部機打著plasma warm up，最重要嘅係，ICP-OES所需要用嘅液態氬氣仲未送到
小祺開左幾枝solution後，實驗室嘅門鐘響起，來者正正係供應部嘅師傅
正在苦惱嘅小祺，非常掛住以前second去供應部嘅日子，係佢仍非常頭痛之時，佢完全冇發現學翹坐左係佢身後邊
「點呀妳?好似完全搞唔掂咁喎」
「咦?你做咩會係到架!?」 「Rebecca叫我上黎睇一睇妳搞成點，不過真係如我所料」
「咁你可以點樣幫我?」「妳開著Plasma，run一run BEC我睇睇先啦」
小祺聽住學翹咁講，撳一撳個Ignition個掣，立時間，ICP-OES個摩打啟動，autosampler開始運行，係rinse嘅位置吸rinsing solution
Wee………Wee………Weee………搭…………..
ICP-OES嘅plasma著左，小祺立即想撳start run programme，然後學翹好快咁叫停左佢
「點解唔run呀?」 「妳個plasma著左冇耐，要俾時間佢warmup，而家個signal係非常唔穩定，run咩個數都唔靚」
「係咩?SOP冇寫喎」小祺拎起份SOP黎睇
學翹笑笑口咁講「SOP當然冇寫啦，呢D係經驗之談」
「大約要等幾耐呀?」 「15至30分鐘左右啦，呢個時間最好用黎準備sample」
學翹跟住小祺去到branch到睇佢開solution，一眼就搵出左問題
佢同一時間係小祺身邊開一set BEC solution
小祺開好之後，再望住學翹開，好奇怪，學翹係最低concentration同最高果枝分別加多0.001ml嘅標準溶液
「好啦，妳而家做左torch alinement 先啦」
小祺拎左枝torch alinement專用solution出黎，再去調校部機。學翹見到個peak好靚，所以就叫小祺開始run BEC
小祺開始RUN個programme，一開始都冇咩問題，但係run完最高後，就發現條curve冇4條9
「呀…..又冇4條9…..」
學翹笑一笑後，拎出佢開嘅solution「妳試下用我呢一set睇下」
「你呢set?開高左少少架喎」「妳試一試先啦」
小祺拎起學翹所準備果一set solution去run一次，結果…..
「咦!!!!有4條9嘅?個RSD仲好低好靚喎，冇理由架喎，明明你加多左架」
學翹解釋返俾小祺聽「就係因為加多果0.001ml，將個concentration微微拉高，所以條curve先靚」
「咁我自己開好呢set calibration standard solution咪冇用?」
「唔會嘅，不過妳都要試run一下」
小祺用佢自己開嘅standard黎cal機，結果有某幾隻element係cal唔到，唔係太高就係太低
學翹拎出佢開嘅standard俾小祺，今次佢一run就成功將8隻element cal好
「咦?咁得意嘅?你點做到架?」
「呢d呢，係我係公證行做野時學嘅唔乾淨招數」
「外邊可以咁做架咩?冇老細看住?」「我返中班架嘛，有時我會留到夜晚自己學下野」
小祺用學翹準備嘅standard cal好部機後，開始run版
結果呢個testing版，有element爆左數，當然，係實驗室同事專登安排嘅
小祺睇住real time，望到個數好怪
「點解….爆左數之後好似d數咁怪嘅?」
學翹一睇「帶數，妳click下個result，睇下個RSD大唔大?」
小祺一睇，正如學翹所講，個RSD好大
「咁我地要點做?」 「pause左部機，用快揼rinse個sampler幾分鐘先，然後由帶數果枝重run」
小祺之後得到個數終於正常，仲要好靚
「咁爆數果枝呢?」小祺問
「妳用個martix做base，做1:2、1:5同1:10 dilution」
「真係咩?個數好似好大喎」
「呢個係最標準嘅做法，妳拎V-Flask做dilution先啦」
小祺照學翹說話咁做，整左三枝dilution版出黎
「之後每個版前後包一個CCV…係，仲有一個CCB…..」
然後小祺得出一個好靚嘅result，佢拎去俾Rebecca睇
「係唔係Cleverly教妳呢?」
小祺面紅紅咁點頭
「妳男朋友真係好叻架，好多野都識，我都想將佢申請過黎實驗室，妳有咩唔明記住要問下佢啦」
此刻，小祺發現佢自己個男朋友應該識唔止咁少野。其實，學翹係老細推薦之下，係下一個Sem開始會去Dept of Chemistry到上MSc in Analytical Chemistry，即係佢又再讀多個碩士學位。