係同屋室友?定係同居密友?: (S3)04. 聰明妹

係大學嘅圖書館中，苗學嬛自己坐係窗邊嘅書檯，為即將舉行嘅final進行溫習
 
「我當時一定係痴左線」佢對住檯面嘅notes噗氣
 
苗學嬛係大學Major係語文(英文)，但係唔知點解自己又take埋minor (History)，結果好啦，自己辛苦自己，經常落堂趕上堂，仲有mid-term駁mid-term、功課駁功課、present駁present
 
伸高雙手伸個懶腰，已經係12:30
 
今日朝早佢只係食左少少野，所以開始覺得有少少餓，拎起電話，有msg嘅都只係朋友group，大學同學做完project就通常拜拜冇影，所以佢一完左project都好快quit group
 




呢一點學嬛同小祺一樣，佢唔太鍾意同人有交流
 
係canteen自己一個人坐低食麵果時，係佢對面有個餐放低左，佢抬頭一睇，原來係小祺
 
「咦?阿嫂，阿哥呢?妳地尋晚冇煮飯咩?」
 
「今個星期係妳阿哥當值，每晚10點先放工，所以我地咪唔煮飯囉」
 
學嬛四周張望「阿哥呢?」
 




「我同佢一直都分開食架啦，佢應該係office瞓緊掛」
 
「有得瞓真係好」學嬛再伸一伸懶腰
 
「妳溫緊咩呀?」小祺好奇地問道
 
「Major果d已經考哂，不過minor又有幾科駁住落黎，真係好攰」
 
「幾時考完呀?」「星期五呀…..今晚聽晚都要溫書，不過個hallmate又早瞓…」
 




小祺聽到學嬛咁樣講後，就打算幫一幫佢姑仔
 
「妳呢幾晚黎我地度啦，可以溫書又唔會阻到人地」
 
「阿哥會俾咩?怕唔怕我阻到妳地呀」
 
小祺知道學嬛講咩，佢亦笑住咁回答「今個星期唔得啦，妳可以專心溫書」
 
「咁就好啦」
 
「今晚佢唔洗當值，妳想食咩?一陣我叫佢買定餸」
 
「呀…我冇咩所謂，反正食完飯都係要溫書」
 
下晝五點半，去完學校超市買餸嘅學翹同小祺，兩個人坐車去到學嬛住果座ug hall，車一到，學嬛就跳上車




 
「嘩，呢部內籠舒服得多啦」學嬛一上車就攤係位
 
「妳今晚有咩想食呀?」  「阿哥你煮咩都得，最緊要我食完之後可以立即溫書」
 
返到宿舍，學翹立即入廚房為兩個女士準備晚餐，小祺趁呢個時間就去左收好已經晾乾嘅衫，佢地兩個分工非常平均，而學嬛就把握時間，係書房中繼續溫書
 
大約7點，學翹都準備好晚餐
 
是日晚餐：沙嗲肥牛粉絲煲、沙律一字骨、清炒菜心，再加一煲蕃茄薯仔湯
 
「啊!!!!!我真係好耐冇食過住家飯啦!!!!」學嬛邊食邊叫
 
「妳平日都留係canteen食?」小祺問學嬛
 




「係啦，我懶得去超市買，又唔想搭車出去，食黎食去都係呢d野，真係想死」
 
「妳星期五六日冇返屋企咩?」  「阿哥，我由呢到返到去香港仔果時，已經攰到乜咁，仲食咩飯，快d瞓仲好啦」
 
學翹望住自己個妹，見佢差唔多每日都食Canteen野，有d於心不忍，但佢又唔想俾人打搞佢同小祺二人世界
 
「不如咁丫，我地帶飯果時帶埋妳果份，妳Lunch時間去我地到食飯咪得囉」
 
學翹同學嬛兩兄妹頭上嘅燈泡「叮」左一聲咁著左
 
「係喎，去你office食咪得囉」
 
「去佢office」學翹示意去小祺果到食
 
「點解呀?」「我果到冇陽光，去小祺果到，佢果邊有窗又大又多女仔」




 
「小祺姐姐，有冇問題呀?」
 
「見妳咁有誠意，好啦」