係同屋室友?定係同居密友?: (S3)03. 頸巾

經過左半年左右，新system已經上左軌道，即使有bug，IT部都可以好快咁幫供應部debug
 
而且供應部已經請左新文員，所以小祺只要將所有野教識哂新同事後，佢就唔洗再second去供應部，所以每個下晝，小祺都會留返係總部個位到
 
小祺返到上去，唔代表佢空閒左，反而會多左跟進其他事務
 
而學翹果邊，佢就繼續留係供應部管理Operation，當然，佢自己都會落場幫手工作
 
下晝時間分開左，小祺有更多時間同機會織頸巾，但係佢總係覺得身邊少左d野咁，所以佢有時都心不在焉，佢呢d細微舉動，俾Connie等人見到
 




「喂，妳想返落去呢?」Connie伸個頭過小祺個位到，因為總部嘅partition比樓下供應部矮得多
 
「真係?」Connie明顯已經睇穿小祺
 
「咁…..返到去都有得見啦……都唔洗24/7見住呀?」
 
Connie聽到小祺咁講，都忍唔住再問「妳地…一齊左未架?」
 
小祺點一點頭
 




「真係?幾耐呀?」「大約….個幾月啦」
 
「怪不得最近妳個樣咁甜啦」「咩喎，妳自己都搵返個男朋友囉」
 
「丫，而家叫做教我啦喎」
 
係佢地哈哈笑之間，頸巾已經織好左
 
Connie拎上手睇「睇黎會有好多人羨慕聰明仔啦」
 




「點會呀…..好多人都有拖拍啦…」
 
「溫暖牌頸巾喎，唔係個個都會有」
 
此時，穎雯係座位伸佢個頭出黎
 
「真係好靚喎，好羨慕」「好啦，咪再笑我啦」
 
「打算幾時結婚呀?」
 
「結….結婚?拍拖冇耐咋喎…邊得黎咁快」
 
「唔快啦，妳連佢屋企人都見過囉」  「係喎，妳見得最多係邊個?」
 
「最多呀…應該係佢個妹，一星期總係會見一次」




 
一講到學嬛，好多女同事都有d好奇
 
「聰明妹好似好靚架喎，而且身材又好好」
 
「學翹話過，佢個妹綽號係新加坡林明禎」
 
「點解呀?」  「因為佢細嬸係新加坡人」
 
「嘩，有個混血嘅堂妹喎，佢一定好多人追」「以我所知就係囉」
 
「既然大家都有d興趣…不過去睇下佢囉」
 
小祺聽到其他女同事想見一見學嬛，佢自己嘅八掛心態又出現
 




點解苗學嬛會冇男朋友呢?呢個係一個謎，為左解開呢個謎，佢決定返宿舍果時問下學翹
 
晚餐時間，學翹小祺兩個人係宿舍內撐檯腳
 
小祺好鍾意食學翹煮嘅野，所以佢每一晚都過得好幸福
 
今晚，佢諗起要問自己男朋友D咩
 
「係喎阿翹呀」  「唔?咩事呀?」
 
「有樣野我好唔明架」  「有咩唔明呀?」
 
「點解阿妹到而家都未拍拖嘅?」
 
學翹都俾小祺呢個問題問起  「係喎，點解呢?不過妳做咩咁問呀?」




 
小祺好老實咁講「我地D女同事有D好奇，點解阿妹條件咁好都冇人追」
 
「好簡單者，妳地自己去問佢咪得囉」
 
「我地自己去問?會唔會唔方便呀?」
 
「妳地一班女仔怕咩丫，得閒去starbucks睇下見唔見到佢啦」
 
「佢身邊….好似冇咩男仔喎」「可能有係佢睇唔上眼呢，我阿妹要求好高架，同我一樣」
 
小祺聽到學翹咁講，立時覺得自己條件唔錯
 
「咁即係我好好?你追我返黎」
 




「咁當然啦，妳係我揀架嘛」