係同屋室友?定係同居密友?: (S3)02. 心事

係保良局嘅office內，小祺將一份份已經pack好嘅野交俾院長
 
「小祺妳得閒返黎陪下佢地、教下功課就可以，唔洗成日買野黎俾佢地嘛」
 
「其實唔係咩大不了，佢地小朋友讀書寫字都要用文具」
 
院長望一望樓下班小朋友同學翹，佢地玩得好開心，應該係話佢地玩學翹玩到好開心
 
「畢左業後，大個女，有男朋友，妳都改變左好多」
 




「其實…都…我都冇諗過會有人鍾意我，始終…」
 
「我睇得出佢係個好人，佢應該好錫妳」
 
小祺諗起學翹幫佢所做嘅事，心中一甜
 
「佢…幫我還哂學債，又係我最需要人照顧果時出保護我，又肯收留我」
 
「妳而家同佢同居?」
 




小祺點點頭「我同佢一齊住係學校職員宿舍」
 
「年青人，我明嘅」 「其實院長…係我屋企之前……」
 
小祺將所有事講俾院長知道後，院長即都同小祺講左d野，而係操場同小朋友玩緊嘅學翹，望到小祺當時嘅面色，係有d擔心同緊張
 
「所以小祺，要面對嘅始終都要面對，妳唔好擔心太多」
 
「嗯，我知道啦院長」
 




小祺離開office，落到操場一齊同小朋友玩，不出一會，所以人都玩得好高興。然後再一齊返到宿舍之中，小朋友有功課唔明嘅都會黎問小祺同學翹，唔止小學生，仲有為數唔少嘅中學生
 
兩個人好落力咁解答問題，佢地離開保良局時，所有小朋友都想佢地快d再黎
 
離開後，小祺係車上一言不發，學翹知道佢想靜一靜，所以冇打算出聲煩佢
 
直到晚餐後，小祺依然心不在焉
 
當晚晾好哂衫，佢地各自返上床，學翹係小祺身後攬住佢，忽然小祺開口
 
「阿翹呀….今晚…我唔係太想」
 
「我知呀」  「你點會知道?」
 
「我都係想好好咁攬實妳，保護妳。唔係晚晚都要做架嘛」




 
小祺轉身將個頭窒入學翹懷中
 
「妳屋企係咪去過保良局打聽妳嘅消息?」
 
小祺個頭好快由學翹胸懷中伸返出黎 「點解你會知嘅?」
 
「咁只有妳屋企，先會令妳咁驚咁有壓力，妳頭先係office個樣都變左啦」
 
「嗯…….睇黎佢地唔會放過我咁樣，佢地遲早會搵到黎學校」
 
學翹將小祺攬到實，生怕小祺會走左去
 
「我會係妳身邊保護妳，妳可以放心」  「真係?」
 




「如果我唔保護妳照顧妳，咁我追妳返黎做咩?」
 
學翹摸下小祺個頭「其實….你鍾意我d咩呀?」
 
「鍾意妳呀?唔…做事認真，唔會馬虎，有d傻氣，又帶點可愛」
 
「我邊度傻呀?」
 
「妳無啦啦飲三杯酒，仲唔傻呀，妳又唔係好飲得」
 
「唔…..」小祺聽到後，面紅紅咁窒返個頭入學翹懷中
 
「你唔係….想咩?」  「今日真係攰啦….我俾班細佬玩到全身都散哂」
 
學翹放開小祺後，成個人坐係床上，其時小祺發現學翹背後同膊頭貼左d鎮痛貼




 
「你俾佢地玩左好耐呀?」
 
「係呀….好似上山下海咁，極高運動量」
 
「我幫你撳下膊頭啦」小祺起身跪係學翹背後，用手膊壓落學翹膊頭同頸某d穴位
 
當小祺撳落去果下，學翹覺得非常舒服，小祺撳嘅穴位好準確
 
「妳又會識嘅?」 「以前住hall果時，個hallmate教我，佢屋企係開中醫館」
 
小祺唔需要太用力，就幫學翹撳鬆左膊頭同頸
 
學翹轉身攬住小祺「有妳呢個女朋友真好」
 




「今年冬天好似會凍過往年，妳洗唔洗要張電暖氈?」
 
「唔洗啦，唔好嘥錢」 「妳唔怕凍?」
 
「有你攬住我，怕咩凍喎」