係同屋室友?定係同居密友?: (S2)59. 校園邱比特

「我諗係果個啦，高高地戴眼鏡果個」女主持對住鏡頭講
 
於是女主持走過去
 
「你好呀同學，請問你係唔係Vincent呀?」
 
「呀….係呀，妳點會知架?」「係Rachel講我地知架，佢而家係另一邊等緊你，我地一齊行過去丫」
 
「呀…好呀好呀」
 




女主持借機問Vicent「你黎左香港幾多年呀?」
 
「呀…我係Macau U一畢業就過黎跟老闆讀PG，讀埋PhD，而家Postdoc，應該都….7年」
 
「咁你拎左三粒星未呀?」 「剛剛拎左啦」
 
「係澳門每年都派錢，幸唔幸福呀?」  「要專登返過去拎，有少少唔方便」
 
「你幾耐返屋企一次先?」 「我大約一個月返去一次，每次兩三日左右啦，如果新年就返耐D囉」
 




「但係澳門有咩做呀?」「冇架，我好少去賭場，又冇咩地方行，我有朋友可以為左一碗麵或者行街而過黎香港」
 
「咁問下你先，你係咪因為讀Postdoc先識Rachel架?」
 
「係呀，佢係我老闆嘅PhD學生」
 
「咁你地有冇單獨相處過呀，除左係工作上之外」
 
「都有嘅，我地有共同朋友，都會一齊食飯咁」
 




「但係兩個人去過街未?」  「咁又未喎」
 
「兩個人冇試過單獨相處?」 「呀….有幾次佢做lab太夜，就去左我PG Hall到住一晚囉」
 
「即係一男一女獨處一室?」 「係呀」
 
「咁其實你對Rachel會唔會有d特別嘅感覺之類呀?即係可以發展下咁」
 
「呀…都有少少嘅」
 
佢地慢慢行到Rachel所在係地方
 
「Rachel就係前邊，你過去拍一拍佢啦」

Vincent拍一拍Rachel膊頭，佢轉身過，兩個人好尷尬咁笑




 
「而家呢，我地校園電視台有個挑戰俾你地，成功挑戰呢，就送你地西餐廳餐券兩張」
 
「不如折現啦好嘛」Vincent笑住講
 
「都得!!!!你地成功挑戰左先啦，我地今日嘅挑戰係，公主抱對視10秒」
 
「係唔係佢抱我呀?我準備好架啦」Vincent問女主持
 
「呀….如果Rachel抱得起你嘅話」
 
「咪玩啦，我邊會抱得起佢呀?」
 
「我地黎啦，1…2…3…!!!」「喂你小心我走光呀!!!」Vincent將著住短裙嘅Rachel抱起
 




然後佢地深情咁對望，兩個人都面紅紅咁樣。女主持就係到數10秒，不過係數得超慢果隻
 
「你對我真係一D感覺都冇呀?Suki都可以搵到Cleverly，但係我就仲係一個人」
 
「又…又唔係嘅….」
 
「咁你仲等咩呀?」  「等….等…」
 
「3…..2…….1!夠鐘!!!!」
 
10秒過去(應該唔止10秒)
 
「我地仲有一個挑戰，你地打唔打算追加?」
 
「呀…好呀」 「好，今次係男仔壁咚女仔10秒」




 
「準備….開始!!!!」
 
Vincent壁咚Rachel 「男仔，唔該近d近d….」女主持係一邊講
 
「你真係對我冇感覺?」Rachel再問
 
「唔係….不過….」Vincent吞吞吐吐
 
「唔好不過啦!!!」Rachel一手捉Vincent埋黎，黎一個熱吻
 
一邊嘅女主持都忍唔住大叫
 
「嘩!!!!!!真係校園電視台有史以黎最爆嘅一對呀!!!」
 




Rachel放開Vincent之後「咁而家我地…..算係咩呀」
 
Vincent將Rachel攬去自己懷中「咁樣，妳而家係我私有化左啦」
 
「真係?」
 
「係」
 
「好啦好啦，你地而家係咩關係呀?」
 
「情侶關係囉」Rachel好開心咁答
 
「你地可以擺個post影一張相嘛?」
 
一聲咔嚓之後，佢地就有第一張情侶合照