係同屋室友?定係同居密友?: (S2)58. 校園電視台

今日，Rachel自己係學校中嘅Starbucks靜靜坐埋一邊
 
「已經好主動架啦，佢仲係冇咩反應……」Rachel望住佢坐咖啡嘆左口氣
 
係佢嘆氣嘅一刻，原來已經有一對男女同學留意左佢好耐
 
於是，兩位同學行到去Rachel身邊
 
「同學，想問問妳點稱呼呀?」女仔率先開口
 




「下….我叫Rachel」Rachel見到咁嘅陣容，有人錄影同訪問，佢估到係校園電視台嘅節目，如無意外，就係果個一直好受同學間歡迎，好高人氣嘅「學界邱比特」
 
「妳好呀Rachel，請問妳知唔知我地係咩節目嘅呢?」
 
「係唔係邱比特?」 「冇錯呀，我地係專門幫同學搵伴架，想問下妳而家係唔係單身呢?」
 
「係呀…」 「咁不如我地幫妳搵個伴啦好嘛?」

「幫我搵?我唔太接受姊弟戀架喎」
 




「姊弟戀?妳應該Yr3左右咋喎」 「Yr3?妳真係識講笑」Rachel俾讚後生幾年，個心已經開心到飛出黎
 
「妳已經Yr4啦?」女同學再估
 
「唔係呀，我而家PhD Yr1啦」
 
女同學立刻對鏡頭好興奮咁講「嘩!!!!我地第一次訪問到Postgrad，仲要係PhD呀!!!請問Rachel妳係邊個dept架?」
 
「我係Marine加Biochem」
 




「咁係唔係因為妳著重Research，先令妳冇時間識另一半呀?」
 
「咁讀Postgrad，特別係PhD又真係忙過undergrad好多倍」
 
「咁妳single左幾耐呀?」「幾耐呀…我…UG yr3果年開始Single，到而家大約三年左右啦」
 
「咁不如我地幫下妳啦好唔好呀?」
 
Rachel聽到小妹妹咁講，立即心郁郁
 
「其實…我自己有心上人架啦」
 
「咦?有目標呀?咁點解仲未一齊嘅?」
 
「因為佢係一個直男，直到冇得再直」




 
「咁…不如我地校園電視台幫一幫妳地啦好嗎?」
 
「下?黎真架?」Rachel有d驚
 
「當然啦」
 
Rachel好快咁點一點頭

「咁妳可唔可以叫到佢出黎先呀?」
 
「我試試先」Rachel拎起電話wts Vincent，結果佢好快上釣
 
「想問下妳呢，對方係咩人黎架?同學?」
 




「嚴格上黎講可以話係同學，佢係我老闆嘅Postdoc」
 
女同學再雍一望鏡頭「嘩，Postdoc同PhD之戀呀，會唔會好有學術性呢?今集收視可能爆燈添呀」
 
女同學再訪問Rachel「咁妳係讀PG期間呢，有冇人追過妳呀?」
 
「都有嘅，不過都係睇唔上眼，所以我朋友A0出pool果時，我仲係A2」
 
「妳有同學讀PG仲係A0呀?」
 
「係呀，佢PG畢業後就做左Staff，而家個男朋友係同事」
 
「好爆呀，有兩個Staff係同一部門拍拖」
 
「唔奇架，我地好多Faculty另一半都係同事」




 
「妳唔講我地都唔知原來去到Postgrad階段都會有咁多花生食，睇黎我地要發掘下postgrad市場」
 
「我地等佢黎到之前做個單獨採訪先丫，妳咁叻，一定知道我想問咩嘅」
 
「我鍾意佢呀….好佩服佢囉，可以自己一個人離開屋企黎香港追求自己理想」
 
「咦?佢唔係香港人添呀?」
 
「佢係澳門葡人」  「嘩!!!C朗呀!!!」
 
「C咩朗丫，佢同普通澳門人冇分別」
 
「都係鍾意去賭場呀?」
 




「佢講過佢又唔賭嘅  「妳都好瞭解佢喎，妳地最親密試過咩呀?」
 
「下?我做lab太夜，去左佢PG Hall到住一晚算唔算呀?」
 
「咁仲唔親密呀?」 「唔算啦，我PG同學同佢男朋友未一齊果時都已經住埋一齊啦」
 
聽到咁樣後，女主持都俾唔到反應，原來PG生比UG生更痴線
 
咁當然啦，正常人都唔會去讀PG啦嘛