係同屋室友?定係同居密友?: (S2)57. 買新車

「叮」一聲，學翹部電話收到一個e mail，佢拎起一睇，係Vincent sent俾佢嘅新車資料
 
學翹睇中左兩部車，一部係Honda CR-V，1500cc，另一部係Subaru Crosstrek 1988cc，兩者每年牌費相差$1500左右
 
對於學翹黎講，只要小祺坐得舒服就可以
 
「妳睇妳個幸福樣丫Suki」Rachel又係到潤小祺
 
「係喎Suki，妳自己有冇買保險架?」Vincent突然間問起
 




「冇呀，做咩呀?你又有人介紹呀?」小祺一臉茫然
 
「保險Agent我就冇介紹，不過妳應該都要買定一份」
 
「保險呀….唔….」小祺再將塊刺身放入口
 
「即係買醫療保險危疾果d呀，冇事就幫妳儲錢果d」學翹係到解釋俾小祺知
 
「學校唔係已經有包咩?」  「萬一Claim哂呢?」
 




「唔，咁我考慮下先」
 
食過甜品後，佢地繼續向刺身進攻
 
係小祺繼續食緊刺身果時，學翹聯絡左佢個保險Agent，想要一份人壽醫療危疾，好快，一份Proposal就sent到學翹電話
 
Jimny仔載住4個食飽飽嘅人返去學校，先去PG Hall放低一對霧水CP，然後再慢慢駛返去Staff quarter。
 
今日出奇地，學翹冇主動入去沖涼房同小祺一齊沖涼，佢地兩個而家即使果晚唔啪啪啪，佢地都慣左一齊沖
 




「佢搞咩呀?」小祺自己沖緊時諗
 
到小祺沖好涼出去吹頭時，學翹就快手沖涼再開機。因為今晚佢知道自己會好忙
 
忙嘅唔係同小祺啪啪啪，而係佢自己要分析買車同埋小祺份保險嘅問題
……………………………………………………………………………………………………
係Staff quarter，學翹坐係書房睇緊小祺保險份proposal，敷完mask嘅小祺行入黎，從後攬住佢，一對小籠包貼住學翹背脊
 
「睇咩睇到咁入神?」
 
「睇緊妳份保險單，妳自己睇睇」學翹拉小祺坐係佢大髀之上
 
「我幾時有呢份保單架?我唔知嘅?」
 
「我頭先叫我agent幫妳立即設計，每年供萬幾蚊儲蓄人壽再加危疾」




 
「你真係咁快手嘅?」 「都係保障妳者，妳想幾時見agent?」
 
「你話哂事囉」 「真係咁信我?」
 
「咁都做左你老婆啦，點會唔信你?」小祺講完再錫左學翹一下
 
學翹約好agent第二日見面簽野後，再打開新車資料
 
「妳鍾意邊架?」 「有咩分別?」
 
「分別呀?唔…..掃把佬每年牌費貴少少，但好力過Honda囉」
 
「我都唔識嘅，你問我我都只係話白色呢部好d」小祺指住掃把佬
 




「好啦，咁我試下呢部啦」
 
簽保單嘅過程好快，只係小祺簽個名上去，而保單收益人，佢寫左學翹個名
 
本應係小祺自己俾嘅錢，再一次學翹幫佢出左，不過只係第一年，往後小祺要求自己俾返錢
 
學翹帶住小祺去到九龍灣d陳列室到睇，帶住佢坐上幾部學翹睇中嘅車
 
Toyota RAV-4、Honda CR-V、Subaru Crosstrek三部SUV
 
小祺對車冇咩意見，最緊要係學翹渣得安全就可以。不過學翹都係照顧小祺感覺先
 
小祺係三個陳列室坐上三部車，係掃把佬陳列室果時，佢一坐上Crosstrek上後就同學翹講
 
「呢部好似好舒服安全」 「大過我地而家果部?」




 
「係呀，我仲可以伸盡隻腳小祺笑住講」
 
「其實係妳自己矮同腳短者」學翹心中暗笑
 
既然小祺鍾意呢部，學翹就好快俾左錢，同時亦準備將部Jimny仔拎去賣
 
「咁舊嘅車仲會有人要咩?」小祺問
 
「會架，做零件車囉」
 
因為學翹果部車嘅顏色好普通，所以部車有現貨，如果掃把佬要藍色灰色嘅話，可能有排等
 
係拎新車前，學翹將部Jimny仔賣左，呢個係一個好好嘅決定，因為去到車場前，Jimny仔已經皮已收
 




係新車到貨前，學翹會渣住姐夫另一部車代步先，黎大狀另一部車係一部好正嘅車，男人嘅浪漫
 
IZUSU pickup