係同屋室友?定係同居密友?: (S2)56. 計劃換新車

星期六下午近黃昏，Rachel同Vincent係PG Hall樓下等學翹同小祺黎join佢地，然後一齊出去食飯
 
今晚佢地又約左食放題，而餐廳就係上次小祺中學同學會果一間
 
由於Jimny仔後座比較窄，適合女仔坐多d，所以小祺就走去後座同Rachel一齊坐
 
小祺係後座用眼神問Rachel點樣，Rachel擰擰頭
 
「Cleverly你部車幾多年呀?」Vincent開口問
 




「10幾年啦，做咩呀?」
 
「問下你會唔會換車之嘛」  「你而家兼職做車行呀?」
 
「識人做車行，可能可以平d俾你呢?」
 
「新車?」學翹似乎有d興趣
 
「本田CR-V式者掃把佬crosstrek啱唔啱?你鍾意渣SUV」
 




一講到車，所有男人都會非常興奮，而且學翹都有計劃換車，因為佢呢部Jimny仔係好舊嘅二手車，當年佢係28車到執平貨
 
「大約幾多錢?」「20萬左右啦」
 
一講到價錢，小祺就立即豎起對耳
 
「聰明仔你買新車，係唔係要問左Suki先呀?」Rachel係後座講
 
「咁呢…….呢層就……」的確，學翹想買新車的話，而家係需要問准小祺先
 




Jimny仔其實都已經好舊，迫力皮都有d問題，小祺對學翹換車其實冇意見，但係唔想太貴
 
一行四人徐徐去到餐廳嘅酒店，學翹放低佢地三個後去泊車
 
「都應該要換車架啦」
 
係餐廳內，小祺同Rachel先去洗手間
 
「唉…..」  「點呀?第一晚就咁啦」
 
「毫無進展」  「妳唔係應該主動出擊咩?」
 
「妳而家叫教返我轉頭啦?」   「咁…果時又係妳叫我主動d嘅」
 
「妳睇妳丫，拍拖後仍然係呢個look」 「咁佢話我點著都一樣嘛」




 
「真係聽到都毛管凍呀，妳準備好做苗太未呀?」
 
「邊得黎咁快呀，拍左兩個月拖咋….」
 
兩位女士返到出去時，學翹已經泊好車上到餐廳，而且已經開始用QR Code落單
 
一講到食放題，一定係食刺身，外邊熟食可以食少d，所以學翹不停咁叫
 
馬刀貝、三文魚、水母、吞拿魚、甜蝦、大虎蝦、乜都叫
 
仲有青口之類，一時間，檯面好多海鮮
 
Rachel叫左兩份清酒，而檯上只有佢同Vincent飲
 




學翹見到Rachel叫清酒，都知道佢有咩計劃，所以佢冇阻到Rachel，但有提佢唔好飲太多，一陣兩個人貓左嘅話就好笑
 
學翹夾起塊三文魚刺身，再遞去小祺咀邊，小祺好開心咁食左
 
「呀…..黎食飯都見到你地兩個係到派狗糧…….」Rachel對住苗生苗太講
 
「妳都可以架」學翹拎起蟹粥餵小祺
 
Rachel見狀，立即拎起條燒多春魚
 
「打開口!!!」Rachel對Vincent講
 
「做咩呀?」  「餵你!!」
 
感覺上，Rachel就好似迫Vincent食野咁。原本想拒絕嘅Vincent見到學翹嘅singal，所以就打開口，由Rachel餵佢




 
係果一刻，Vincent覺得有點高興，眼前呢個女仔又真係幾可愛，自己唔係對佢冇感覺，只不過一個Postdoc同Ph.D拍拖，可能會惹黎閒言閒語，而且老闆又唔知會點諗
 
「陪我出去拎野食丫」小祺對學翹講，於是佢地兩個就起身行出去
 
Rachel見狀，就放鬆坐低「啊!終於唔洗睇佢地派狗糧囉」