係同屋室友?定係同居密友?: (S2)55. Postdoc的房間

入到Vincent間房，Rachel有少少熟悉嘅感覺，因為佢之前都黎過兩次，而兩次都係因為個實驗時間太長，所以就去Vincent到暫住，兩個人之間冇發生任何事，至少當時冇
 
Rachel入到房除低鞋襪，放低自己嘅袋後就坐低休息
 
「妳唔放d野出黎?所有野都塞係袋呀?」
 
「我放哂出黎?你唔怕尷尬咩?」
 
「妳d貼身衣物可以放係袋，其他可以拎出黎」
 




「我都估你唔係咸濕佬黎架啦」 「妳唔係打算將d底褲周圍放呀?」
 
Rachel放好自己行李，換上拖鞋後，行去洗手間沖涼
 
「咁鬼死被動架…..係唔係要我主動出擊?」Rachel係洗手間邊沖涼時邊諗
 
「不過Suki果時佢都唔係主動出擊，但係兩個男嘅又唔可以相題並論…..」
 
Rachel換上佢平時係屋企嘅衫，包住未乾嘅頭行出去，Vincent一抬頭，就見到著住短袖衫、真理褲嘅Rachel行出黎
 




係Rachel彎低身搵野果時，Vincent隱約間見到Rachel真理褲內，棗紅色半透明喱士內褲
 
Vincent一瞼尷尬咁走入洗手間
 
「嘩…..差d忍唔住」佢自己深呼吸
 
「雖然有機會發展，但係可以慢慢黎」佢再深呼吸
 
沖左個涼後，Vincent調整好自已呼吸，再準備行出去
 




係Vincent沖涼之時，Rachel開左Macbook打算同小祺wts，不過佢睇一睇個鐘
 
「呢個鐘數佢地應該晾緊衫啦，唔好煩佢地啦，一陣晾完衫佢地又啪啪啪。阻人啪啪啪死左會俾人燒春袋」
 
冇俾Rachel估錯，小祺同學翹的確係到晾緊衫，不過佢地冇咁快啪啪啪
 
小祺坐係Macbook前甩到Rachel on左，所以去yo下佢
 
「喂，妳真係留係Lab到過夜呀?」
 
Rachel見小祺主動搵佢，所以佢都回覆
 
「唔係啦，去左PG Hall屈蛇」
 
「又屈呀?」




 
「唔通妳收留我?」
 
「妳唔係好鍾意屈蛇架咩?」
 
「我邊似妳呀?我鴛鴦蛇都咁DRY」
 
學翹從後攬住小祺「咩事咁開心呀?」
 
小祺擰轉面錫左學翹一下「Rachel囉，去左PG Hall屈蛇」
 
「又去屈呀?」學翹又奸笑
 
「你奸笑d咩呀?你估個個都好似你咁咸濕架?」小祺將佢自己件T shirt拉返落黎
 




「Vincent呆呆滯滯，應該唔會對Rachel落手嘅」
 
「你點知? Rachel佢可能今日非常戰鬥格呢?」
 
「例如?t back?」  「佢先冇咁變態呀!!」
 
「t back有幾變態?」 「好唔舒服架」
 
「妳又知?妳著過?」
 
「我點會著過呀?就咁睇都知道唔舒服啦」
 
學翹拉開小祺條褲望入去「所以妳今日就著粉紅色啦?」
 
「咩喎，又係你話鍾意我著嘅」




 
學翹公主抱起小祺入房
 
「喂!熄電腦先啦」
 
五分鐘後，房中又傳出恩愛嘅聲音
 
Rachel見到小祺Off左，就知道佢地又去啪啪啪一場，所以佢都熄左wts，自己係到睇片
 
Vincent沖完涼出黎，行去衣櫃拎多張被同墊出黎，準備去打地舖
 
Rachel見狀佢問Vincent
 
「洗唔洗俾返張床你瞓呀?」
 




「唔洗啦，妳係女仔，點可以要妳瞓地下」Vincent墊好地舖後準備捐入去
 
Rachel聽到Vincent咁答佢，心中有d唔係味兒
 
「係唔係我唔夠靚?」
 
其實Rachel佢已經係大胸長腿，係好多男來眼中嘅女神級別，無奈佢自己鍾意果個又對自己好似不揪不睬