係同屋室友?定係同居密友?: (S2)52. 紙巾Chamber

離開對方firm後，游律師帶同兩個trainee到中環甲級寫字樓，呢度租金都係數一數二高
 
兩名trainee都戰戰兢兢咁入黎，因為剛先佢地見到香港首富同埋佢嘅律師團隊係Chamber行出黎，你地以為開會?其實係食餐飯傾下個仔同個孫d野
 
「呢度….果然係精英集中地」一名trainee講
 
「呢到成層寫字樓都係紙巾老細嘅物業，想像下，d租客係到掛得單，佢地實力係點?每一單case至少都幾億，就算俾Chamber抽50%都值」
 
「但係師兄，點解你唔做bar?而揀做soli?」
 




游律師微微一笑「做bar我都可以，不過我個人比較鍾意幫手分析文件之類，一陣間你地見到我同學，就知點解」
 
兩個trainee跟住游律師去到reception
 
「唔該，我約左HY MAK同LF LAI」
 
「好嘅游律師，請你地三位到會議室等等」
 
reception姐姐帶住佢地三個行入去時，兩名trainee見到其他PCLL嘅trainee係到同bar開會
 




「如果係黎呢到pupillage之後，你地覺得有tenancy嘅機會有幾多?」
 
兩個trainee唔太出聲
 
「唔係我打沉你地，你地睇下d牌，前律政司都要係到掛牌，你地就知呢到tenancy機會唔大」
 
「咁呢d trainee之後咪……」
 
「跟得四大Chamber，出到去一定會有中型行俾tenancy，不過最緊要都係人脈。我剛pupillage之後，立即入firm，捱左幾年先有人脈，不過最緊要都係要自己努力」
 




紙巾Chamber嘅會議室望出去，成個維港一覽無遺。兩下毃門聲後，HY MAK同LF LAI入到黎
 
「帶兩個細黎學野?」黎大狀一開口就問
 
「係呀，剛先去完對家到」
 
「等我估估先，一定係唔肯和解，再獅子開大口」麥大狀搶先一步講
 
「都係Thomas你醒目」游律師用佢地係U玩時嘅姿勢指住麥大狀
 
「yo!」麥大狀還以顏色
 
所以話，即使係大狀律師醫生，只要係男人，佢地聚埋一齊就好易玩到好開心
 
「阿仔你俾我睇下你頭先jot左d咩」黎大狀同其中一個trainee講




 
 
「呀….係…」trainee好緊張咁拎出notes黎
 
「ok，你可以開始present」黎大狀指住塊whiteboard
 
兩個trainee將佢地頭先開會嘅重點全部都一一列出黎，兩個大狀好細心咁聽，即使係佢地一早預料到嘅野，佢地都唔會咁輕易放過
 
麥大狀睇完trainee present後對佢地講
 
「游仔可唔可以係上庭時借佢地俾我?」
 
「冇問題，不過你冇徒弟咩?」
 
「未打算收住，不過我想佢地黎幫一幫我，拎下經驗」




 
「咁我今次可以坐埋一邊喎。你地有冇信心幫到麥大狀?」
 
「冇問題!!」兩個trainee顯然唔會放過呢個大好機會
 
游律師立即拎出今次client資料
 
「我地firm一個月前收到『明昆你律師事務所』所寄出嘅民事申訴書，要求我方當事人(1)黎苗學雯女士以及當事人(2)苗學翹博士於14天內將當事人(2)父母遺產上嘅物業加上對方申訴人(1)肖錢鳳娥女士及申訴人(2)肖翠君入樓契內並將我方當事人(1)黎苗學雯女士名字於樓契中刪除」
 
「咁我方當事人有冇任何指示?」麥大狀邊睇邊問
 
「係，根據兩位當事人俾嘅指示，係予以否決，但苗博士希望避免於法庭上解決問題，所以今日委託本所與對方事務所接觸，但申訴方否決所有和解方案」