係同屋室友?定係同居密友?: (S2)47. 苗家話事人

苗學雯撓實雙手，身後跟住黎大狀同卓凝卓賢
 
「妳地兩個去阿姨到先，學嬛幫我照顧住佢地兩個」
 
家姐有令，誰敢不從?
 
苗學雯行到去肖氏一家面前質問
 
「妳地已經落左控，申訴人做咩黎騷擾被告人?妳地個律師冇講架咩?」
 




「關妳咩事呀?妳邊個呀!?」肖翠琴大聲講道
 
「我係學翹家姐，亦係層樓嘅業主，請問我有冇資格過問?」
 
「咁妳想點丫!!」
 
「妳地而家騷擾緊被告人，就已經係唔得，同時我細佬已經講明同妳地冇任何關係，妳地仲係到死纏爛打，騷擾我麻麻壽宴，妳話妳地係唔係犯賤，係唔係?」
 
苗學雯嘅氣勢好厲害，強如黎大狀嘅大律師係老婆面前都係一隻小綿羊
 




「點呀，家姐係唔係好勁呢?」小祺點一點頭
 
「所以冇人敢反駁佢，包括姐夫」
 
村姑母女見狀，立即補多一腳「仲唔快d走?妳地仲企係到做乜?」
 
肖氏一家見勢色唔對，立即逃跑
 
村姑見趕走左肖氏一家後，立即想同苗學雯打好姑嫂關係先，想俾佢知道自己係一個好弟婦
 




「妳好呀家姐，我係…」未等村姑講完，苗學雯就已經好唔客氣準準備趕佢走
 
「妳企係到做咩呀?今晚係我麻麻壽宴，妳呢個外人係到做咩?」
 
「我?我點會係外人呀?家姐妳真識…..」
 
「唔好叫得咁親，我唔識妳，唔好叫我家姐，仲有，我細佬幾時有話娶妳?」
 
「妳只係苗家嘅外嫁女，妳有咩資格出聲呀?我地禮金都收左啦，仲點解唔係自己人呀?」
 
「咁又點呀?妳問下我細佬有冇應承過呢頭婚事?」
 
村姑老母立即轉頭望住學翹「呀仔呀，你係我女婿，妳幫外母話下你家姐啦」
 
學翹都係反一反白眼「我同妳有親呀?」




 
村姑同老娘萬萬估唔到自己個「老公」同「女婿」會唔幫佢地
 
「你點可以咁講架?我地禮金，咩都傾好哂啦嘛，婚期都訂左啦，你問下麻麻啦」
 
苗學雯伸個頭去望住苗宅太「阿麻，係咪妳同人定架?」
 
苗老太見到個長孫女咁問自己，立即口窒窒咁講，好隱悔
 
「係…係阿麻定嘅，我想個細佬快d結婚生曾孫俾我…..」不過語氣間苗老太先知自己闖左大禍，佢誤會左學翹係鍾意村姑，但係個孫女咁樣問佢先記得，一開始學翹都冇話鍾意村姑，但係自己會錯意，而家搞到咁，佢仲煩緊點收科
 
「拿!!阿麻都咁講啦!!」
 
「係阿麻應承妳地，不過我細佬有冇應承過妳地呢?」
 




村姑同老娘望住學翹，希望佢承認呢頭婚事，佢地萬萬唔想隻肥羊就咁走左去
 
「我一開始都冇話過會同妳結婚喎」
 
「下!?唔係講好哂啦咩?你應該同阿娟去過好多次街，過左好多晚架?」
 
「嘩，妳咁講野嘅?我同佢見過一次，傾過唔夠10句野，我點會同佢有親?」
 
「但係你話會娶佢架嘛!」「我冇喎，而且我有女朋友啦喎」
 
「咪就係我個女囉!!!」「唔係」 
 
「點會唔係呀!!!係呢到除左我個女之外，仲有邊個會係你女朋友?你立即叫佢出黎丫!!」村如老母斷估都估唔到，小祺嘅存在
 
係佢講完呢句後，有兩把小朋友嘅叫聲係一邊叫出黎




 
「我地個舅母係呢到呀」