係同屋室友?定係同居密友?: (S2)48. 未來女大狀

卓凝同卓賢撓實小祺左右手，生怕小祺會走左去
 
現場先發現到小祺嘅存在，其實佢一直都係到，只不過佢又發揮佢中學時嘅絕技，幽靈式出場
 
村姑同佢娘親望住小祺，對坐兩個小朋友講道「喂細佬!!野唔可以亂講架喎!!!」
 
小祺見到計凝卓賢俾村姑鬧，立即想幫口，不過，佢俾學嬛阻止左
 
「妳睇下卓凝表演仲好啦」
 




呢個四年級嘅小妹妹飲一啖水，起身走去村姑面前上下打量
 
「量妳都冇資格話係我舅母呱?」
 
「咩冇呀!?我地收哂禮金，傾好哂日子，仲點會唔係妳舅母呀?妳而家目無專長，妳阿媽唔識教，我就幫佢教!!」說罷，村姑老娘想郁手打人
 
「傷人39，最高判3年，呀…我仲要未成年，屬於小朋友。而妳就成年人，睇怕，都係要準備受靶咁喎」
 
村姑老母俾卓凝一句就拋室左，卓凝轉身望住村姑
 




「妳同舅父又冇張結婚證書，單單話傾好禮金就做左我地屋企人，會唔會太過兒戲呀?」
 
「妳個細佬女識咩丫!!」
 
「呀，妳地大陸D野我真係唔太識，不過我仲知呢到係香港，所有野都有法律規範住咁囉」
 
村姑見講唔過卓凝，開始心急起黎
 
「妳唔洗望啦，姐姐同舅父拍左拖一段日子，佢地而家一齊返工放工，呢件事呢，差唔多成間大學都知道。妳應該諗下，舅父會唔會睇得上妳呢個連英文都唔識講多句，著衫又老土嘅村姑~定係會揀一個碩士畢業，係工作同埋研究上都幫到佢嘅小祺姐姐呢?」
 




村姑俾卓凝講到未能反駁，卓凝伸出佢隻右手攤開
 
「麻煩妳將張支票找返出黎」
 
已經落左袋嘅支票，村姑又點會咁輕易拎返出黎?
 
「咩呀!!!三十萬我地要梗架啦!!!而家即係點呀?你地屋企唔認數呀?」
 
「由頭到尾我都冇話會同妳結婚，點解我要認數?」
 
村姑老母望一望苗老太，再向學翹講到「婚事係苗老太決定架喎!!!你邊有權話事?」
 
「我唔簽名妳奈得我咩何?」
 
「你…你….苗老太!!!而家即係點呀?」




 
苗老太有點支吾以對「呀….咁呢…都係交返俾D後生仔自己決定啦，而家時代文化唔同架啦，感情冇得勉強」
 
村姑兩母女見到大勢已去，好嬲咁快腳離開酒樓
 
「二姑婆，妳都係快D打電話俾銀行void左張支票佢啦」
 
苗慧蘭聽到卓凝咁講後，立即打俾銀行，村姑手上嘅支票頓時間變成廢紙
 
苗學雯走到去苗老太面前「阿麻，妳搞咩呀?咁重要嘅野妳唔同爸爸商量下先架咩」
 
「咁妳老豆又話唔到事嘛…」
 
「佢話唔到我話到丫嘛!!妳搞到咁大鑊，學翹人生大事可以就咁樣亂決定架咩?」
 




黎大狀企係苗學雯爸爸身後，諗緊點樣收場
 
「洛輝，你去拉返學雯返黎」
 
「我唔敢呢阿爸」
 
「你係大狀喎，你都唔敢?」 「難道你敢?」
 
「唔敢」
 
於是，黎大狀俾訊號一對仔女，卓凝卓賢好快就將佢地媽咪拉返黎
 
「妳而家明白，邊個先係我地苗家嘅最高話事人未呀?」學嬛奸笑咁對住小祺講
 
小祺見狀，頓時對苗學雯呢個大姑拉產生一種敬意