係同屋室友?定係同居密友?: (S2)45. 邊位呀?

接近黃昏，學翹部車泊左係學生宿舍樓下，同小祺一齊等埋學嬛先去尖沙咀
 
「一陣有幾多人黎架?」小祺問
 
「大伯兩公婆，家姐一家四口，姑媽一家三口，姑姐一家四口同細叔一家三口，如果問埋米，可以叫埋我父母上黎」
 
「你正經D啦，點會問米呀?」
 
「咁又係，佢地而家係食香」「妖!!!你正經D啦」
 




當學嬛係宿舍出黎，佢地三個就向尖沙咀出發
 
………..
係尖沙咀酒樓有兩女一師奶係到伏擊一部車，車牌CB 7355，冇錯，正係肖師奶同佢大女肖翠琴同三女肖翠君，因為佢記得學翹講過佢麻麻係呢D日子生日，而每年一定會黎尖沙咀呢到食飯慶祝
 
「今晚一定要叫佢加我地個名，否則上法庭見」肖師奶胸有成足，佢覺得只要搬律師出黎，學翹就會認輸。可惜，肖翠君一直都遺忘左學翹個姐夫都係律師，仲係大律師，係佢地呢家人嘅知識中，以為大律師同律師係冇分別
 
「佢部車仲未到嘅?」  「唔係Tesla，邊度泊到呢d咁貴嘅地方丫」
 
好快，學翹部車駛入停車場，係一邊等待嘅肖氏一家就趕去停車場，不過，學翹同小祺早佢地一步離開




 
「咁都可以俾佢地走甩!我地去酒樓搵佢!!!」肖師奶煞氣騰騰咁行去酒樓
 
其實去到酒樓，搵苗氏一家唔難，因為佢地總係包房食飯，係門口水牌，佢地係到搵到苗家嘅包房
 
小祺跟住學嬛行入去，學翹入去搵阿麻先
 
一入到去，村姑同佢老母已經雙眼發光
 
「學翹呀，你過黎阿麻到丫」學翹行過去時，已經見到村姑




 
「阿麻」 
 
「你叫人先啦，遲d大家都係自己人」
 
學翹望住村姑老母「佢係邊位呀?」
 
「哎呀~佢咪你未來外母囉」苗老太好開心咁講
 
「阿翹呀嘛，我係阿娟阿媽，大家一家人唔洗客氣架啦」
 
「阿麻妳做咩呀?」
 
「禮金、酒席傾好架啦，你地遲d加埋阿娟名去你層樓，再除左學雯個名啦」
 




「點解呀?」
 
「咁你同阿娟結婚嘛，間屋點會仲有家姐名呀?」
 
學翹聽到一頭霧水，發生咩事?點解我要結婚?
 
小祺同學嬛坐埋一邊，暫時唔出面住，學嬛捉住小祺，叫佢暫時忍一忍
 
「阿哥唔會睇中果個大陸妹嘅」  「但係妳地麻麻」
 
「呵!我阿哥有辦法架啦，話妳知丫，頭先係停車場，我見到佢前女友一家，可能想黎迫宮」
 
「咁點算呀?」
 
苗學嬛係檯面拎左兩兜花生過黎遞一兜俾小祺




 
「做咩呀?」 「家姐就到，一陣家姐會話妳知邊個先係苗家話事人」
 
係學翹仲諗緊發生咩事果陣，苗老太解釋
 
「我見你同阿娟相處得幾好，佢又純品，阿麻好鍾意佢，所以叫你地結婚，快d生個曾孫俾我」
 
村姑同佢老母好期待咁望住學翹
 
「下?我第二次見佢咋喎，上次講左10句野都冇，咁就要我同佢結婚?」
 
「上次咪傾得好好地囉，結左婚之後可以慢慢培養感情架嘛，我地日子揀好架啦」
 
「係囉，結左婚後再慢慢相處啦」村姑老娘加把口落黎
 




正當學翹準備拒絕果時，佢又聽到果一把好煩厭嘅聲音
 
「六國大封相」即將上演