係同屋室友?定係同居密友?: (S2)44. 頸巾

兩星期後嘅星期六，小祺係洗手間對住塊鏡左望望右望望，佢好怕自己會生暗瘡，因為佢每一次經期果時，總會有暗瘡係瞼上出現
 
睇清楚，自己d暗瘡退左唔少，佢就係總部返埋位坐低，繼續織織復織織
 
穎雯同Connie伸個頭過去望住小祺，拎住零食問「其實佢知唔知妳織頸巾俾佢架?」
 
「邊…邊個佢呀……」小祺例牌扮唔知面紅紅
 
「妳地呢…..想玩地下情，低調，不過個個人都知道呢」
 




「咁…妳地都知啦，仲要問?」
 
「即係佢知唔知妳織緊頸巾呢?」
 
「佢唔知架，我都係返到黎先織」
 
「織得好好呀」Connie拎起黎睇
 
「希望啦…」 「做咩呀?妳好似有d心事咁嘅?係唔係..遲左period呀?」
 




「傻啦!!!!而家period緊啦」小祺反駁
 
「咁係咩事呀?」
 
「唔…星期六跟佢去食飯…」
 
「同屋企人食?」
 
「係呀，同長輩食呀」
 




「咁妳驚咩呀?」  「我第一次出席呢d場合…所以….」
 
「妳驚呀?」  「少少咁啦」
 
「放鬆d，要表現斯文大方」其他女同事向小祺教路
 
「洗唔洗帶禮物去呀?」 「唔洗啦，可能妳去就係最好嘅禮物啦」
 
冇錯，即將到苗老太生日嘅日子，所以學翹打算帶埋小祺去，將苗老太幫佢搵老婆嘅計劃破壞，因為自己個老婆已經係佢身邊
 
當日小祺係鏡前不停襯衫
 
「妳唔洗咁緊張啦，又唔係咩大事」學翹坐係床到邊睇書邊講
 
「第一次見哂你屋企人，點可以唔隆重d架」  「放鬆d」




 
小祺揀左鬆身長裙，平底鞋同T shirt，加埋件褸同手袋，一個好斯文嘅look
 
學翹從後攬實小祺「咁樣咪得囉」
 
「真係?」 「呃妳做乜」
 
「好啦，咁瞓啦」 「瞓啦?」
 
小祺又點會唔知學翹想點，佢地都應該成個星期冇親密過，於是，房燈再一次較暗，房中再傳出恩愛嘅聲音
 
……..
星期六，苗慧嫻托人介紹嘅村姑一早就同佢娘親搭火車黎香港，因為佢地係深圳居民，所以利用一簽多行黎香港非常方便，仲順手運埋水貨
 
佢地中午去到位於尖沙咀嘅酒樓，準備同苗老太見面




 
「喂阿媽，妳咁快催學翹結婚，佢又唔知鍾唔鍾意個大陸妹，妳迫佢都冇用架啦」
 
「咩唔鍾意呀?我搵俾佢實鍾意!上次佢地都傾得好開心呀，點會唔鍾意呀」
 
苗老太上次肯定睇唔清楚，學翹身邊仲有個學嬛係到
 
「咁妳擅自同人傾好禮金果D，學翹話唔想結婚住咁點呀?」
 
「唏!佢阿爸阿媽唔係到，就由我地D老人家話事架啦」
 
「咁都係應該由我呢個大伯出面丫嘛」
 
「就係咁先要叫哂你地幾兄妹黎，而家老三唔係到，你地全部都有責任照顧學翹架啦」
 




苗氏一族見講唔過苗老太，一臉無奈
 
苗老太係上星期仲打過俾學翹，學翹亦話兩個人黎食飯，所以令苗老太覺得大陸妹同佢係有下文，今日，就叫埋對家黎，準備傾禮金聘禮之類，呀…大陸叫彩禮啦
 
村姑同佢娘親黎到後，笑到非常開kai鮮，佢媽媽俾村姑更加內地，一坐低就同苗老太傾錢，錢，錢同埋錢，仲有金同樓
 
「呀，我個雷呢，羊到更彈，係大家雞雷，隔離村d人想聚佢鵝都唔炳呀」
 
「呀，阿娟真係好好架，同我孫仔又傾得埋」好明顯苗老太FF緊
 
「我地要救唔糕架，彩禮要30萬，阿娟佢要有斤氣，同埋俾層樓我地隨時黎香港住下，房產證俾我個雷架」
 
其實係唔係大陸人都鍾意獅子開大口呢?又唔睇睇自己咩材料?順帶一提，肖氏一家都係黎自福田，應該係三沙一水同鄉會
 
苗老太聽到後，因為心急學翹結婚，所以覺得要求好合理，所以就代學翹答應




 
「得，冇問題!好簡單者，而家立即開張支票俾妳地!!金器遲D去買，而家佢層樓結婚後就有你地份，問題唔大」
 
其他人見到苗老太咁快應承人，好想阻止，但苗老太一意孤行，所以苗慧蘭就開左張30萬嘅支票出黎，村姑兩母女見到後兩眼發光
 
佢老母拎左支票後，想立即去兌現，不過因為係星期六下晝，銀行關左門，所以佢就過幾日再黎兌現
 
「拿，阿娟，以後就自己人啦，唔洗客氣架啦，今晚去我個孫仔到過一晚，結婚後快D生個曾孫俾我地知唔知?」
 
「知道」村姑同佢老母心中諗到，成為香港人不遠啦