係同屋室友?定係同居密友?: (S2)35. 愛神之箭

食左晚餐後，佢地係小鎮大街到等睇煙花，今日人唔多，所以佢地都企得好舒服
 
時值11月，今年秋天比起以往較為清涼，唔知係屬於正常定唔正常，一陣秋風吹過，即使穿上薄薄外套嘅小祺，都覺得有點涼意
 
於是，學翹除左佢件外套，披係小祺身上
 
「你唔凍咩?」「費事要妳凍親啦，我有咩所謂?」
 
「邊得架」小祺想將件外套除返俾學翹，但係學翹反而幫小祺著得更加好，再拉埋拉鍊
 




係佢地身邊，有對上年紀嘅老夫妻行開見到學翹呢個舉動
 
「老太婆，似唔似我當年咁做呀?」「係囉係囉，知你細心啦，你望住後生咁樣而家又想做呀?」
 
「而家老囉，邊得呀」「你都知呢?好彩我叫你帶多件衫咋」
 
學翹同小祺望住對老夫妻好甜蜜咁想當年，佢地對望一下後就繼續等放煙花
 
隨住樂園燈光變暗，代表煙花滙演即將開始。四周變暗下，學翹將小祺拉埋佢身邊
 




「你好驚我走左去咩?」小祺好甜咁問
 
「都會架，妳都會有人追架嘛」
 
學翹講完後，將小祺拉去佢身前背對自己，於是，迪士尼城堡係小祺面前一覽無遺。第一次係迪士尼睇煙花滙演嘅小祺非常期待
 
「蕉…..啪!!!!蕉….啪啪啪!!!」煙花滙演開始
 
小祺睇得好開心，煙花真係好靚，好多人都係到嘩嘩聲之際，學翹不知邊度黎嘅勇氣，佢係小祺身後，雙手從後攬實小祺
 




小祺俾學翹呢個舉動，嚇左小祺一嚇，佢擰頭望一望學翹，咬一咬唇咁雙眼向上望，然後微笑咁望返前邊
 
第一幕完，四周變得更黑更暗，學翹乘小祺唔為意，好快錫左佢塊面一下
 
第二幕開始前，小祺轉身微笑咁同學翹對望，學翹錫左小祺額頭一下後，第二幕嘅音樂開始響起
 
係迪士尼煙花滙演環節，佢地兩個差唔多可以確定關係，原來佢地一直都係雙向暗戀
 
每一幕之間嘅間隔，小祺都會轉身攬實學翹
 
第六幕後，小祺一前望住前邊，並冇回頭，因為此時此刻嘅小祺，雙眼之中有淚水，因為佢終於搵到一個真正錫佢嘅人
 
最後一幕開始，煙花比其他幕更燦爛更靚，小祺終於忍唔住，轉身攬實學翹
 
佢地兩個係煙花熣燦嘅光輝下對望住，然後小祺合上雙眼




 
今次學翹都識俾反應小祺，佢順勢將自己個咀貼實小祺雙唇，佢地緊緊痴住成分鐘後先鬆開
 
其時，煙花滙演到達最高潮
 
佢地就係呢個情況下，正式確立左關係
 
煙花滙演完畢，四周燈光變光。小祺紅面面咁望實學翹後嘟長個咀，然後自己行埋一邊
 
「頭先…唔係一齊左啦咩?做咩自己行左去」
 
學翹快步跟住小祺背後直到佢停低為止
 
小祺嘟長個咀同鼓起泡腮咁望住學翹，不過佢個樣就係好開心
 




「你頭先呀，做咩無啦啦錫我呀?我有話俾你錫咩?」
 
學翹終於明白，小祺只係想浪漫下
 
「咁…妳夠係我瞓左果陣偷偷地錫我囉」
 
小祺聽到自己之前偷偷地做嘅事俾人知道左，塊面立即紅起上黎
 
「哦!!!你詐瞓嘅!!!」小祺邊講邊輕力打學翹
 
「咁妳都係我女朋友囉」
 
小祺再嘟長個咀「邊個話做你女朋友呀?」
 
「頭先唔係錫左啦咩?」




 
「咩呀?俾你錫左就應承你架啦，冇d誠意」小祺轉身背住學翹
 
於是學翹再一次從後攬實小祺
 
「咁妳可唔可以，同我試下發展下呢?」
 
小祺微笑咁轉擰轉頭望望學翹，再伸手摸一摸佢塊面
 
「你真係唔介意?」小祺指住自己左邊臉上淡淡胎記
 
「點解我要介意?我係鍾意哂妳所有野」
 
小祺微笑得好開心
 




「你呀，唔准唔要我架!要聽我話架」
 
「好好好，老婆大人最大」
 
「有話嫁你咩?」
 
「妳想呢?」
 
小祺俾學翹反問之後又再面紅
 
「返酒店啦，好攰啦」
 
「知道!」
 
學翹同小祺拖住手去搭巴士返酒店
 
今晚，佢地兩個正式確定左關係，而且，似乎仲會再進一步發展