係同屋室友?定係同居密友?: (S2)36. 酒店房內

巴士上，小祺好開心咁撓實學翹隻手，好似好怕俾人搶走左咁
 
「妳鍾意撓到咁實咩?」
 
「唔捉實D點得架，一陣你俾人搶走左咁我點算?」
 
「而家知我好啦」  「咩喎，我一向都知你對我好架」
 
「一陣返到去妳沖涼先呀，玩到咁攰」
 




「知啦知啦」
 
佢地手拖手落巴士，行去搭Lift，到達佢地果層後就行去佢地間房
 
學翹首先入房，小祺跟住佢入房後就坐低係床上，關好門後，學翹撲去小祺身上，用自己咀唇封實小祺雙唇
 
大約3分鐘後，小祺拍一拍學翹「喂呀，要沖涼啦咸濕佬，一陣沖完涼先啦」
 
學翹估唔到小祺會咁講，所以佢諗緊洗唔洗拎盒套出黎
 




小祺打開背囊，拎左毛巾出黎，再拎埋佢瞓覺用嘅衫同底褲
 
佢拎嘅，係68買嘅黑色半透喱士款
 
小祺見到都有d面紅，雖然佢買左之後平日係宿舍都會著，但係今晚，佢應該會只係著T shirt，而下身著條底褲出去
 
因為前幾日，小祺請教過Rachel
…………
「下!?妳都同佢兩個人去staycation，仲問我入邊點著?」
 




「咁….我又冇經驗….如果佢問我嘅話」
 
「妳會唔會俾佢先?」Rachel色迷迷咁望住小祺
 
「如果…果陣同佢係拍緊拖，確定左關係…我都會俾嘅，但係…我怕…」
 
「妳怕痛定係怕佢中出即飛呀?」 「佢又唔係呢d人黎...」
 
「即係怕痛啦?」小祺點點頭
 
「同埋唔知要點做」
 
「黎啦，俾隻macbook我啦」 「用黎做咩呀?」
 
「俾d參考電影link妳睇下呀」  「即係睇AV?」




 
「呢D係youtube教妳第一次點樣放鬆之類，妳睇左先啦」
 
小祺於是就打開黎睇，愈睇愈紅面
 
「妳果時….都係咁架?」
 
「係呀，偷偷地幾刺激」
 
「妳果時邊到發生架?」
 
「男朋友屋企囉，個個唔係男朋友就女朋友屋企架啦，唔通一開始就識去爆房咩?」
 
小祺係lab一d鬼鼠位到睇，內容真係嚇親佢，即使讀書時偷偷地睇過AV，都係都冇今次呢D咁有「教學性」
 




「呢D野，男仔一定最鍾意，妳自己考慮下，幫完佢叫佢幫下妳」
 
小祺口窒窒咁問「用口呀…」
 
「好似食雪條咁者，不過妳唔好一啖咬落去呀，會死人架」
 
「知…知啦….」
 
「記住最好一齊沖涼，俾佢知道妳會同佢….」
 
「得啦….到時佢同我拍左拖先算啦」其實小祺自己心大心細，一黎佢已經好鍾意學翹，二黎自己已經24歲，都想試下大個女嘅滋味，有時見到中學同學女仔group到成日講有味笑話，搞到佢自己都想試試
 
「記住呀!!!要做好安全措施呀」
 
「知道啦」




…………………….
今日小祺已經將自己初吻同初戀交左出去，好大機會仲將自己初夜交埋俾學翹
 
小祺入到浴室，將自己脫光光後開水，而且佢亦冇關上門，俾足提示學翹，叫佢入黎一齊沖涼
 
係房中嘅學翹都係個正常男仔，見到自己女朋友沖涼又冇關門都知道咩一回事，但佢地拍拖3個鐘都冇，咁快就發生關係會唔會太快?不過佢地已經一早同居同床
 
學翹係袋中拎左盒0.01出黎後，拎埋自己D衫，伸個頭去浴室望住一絲不掛，沖緊涼嘅小祺
 
不過第一眼望到嘅，並唔係小祺對小籠包、屁股或者係下體，而係小祺身上淡淡嘅疤痕