係同屋室友?定係同居密友?: (S2)34. 婦科檢查

「下?妳同佢兩個人去Staycation呀?」
 
「係…係呀，做咩咁大反應?我而家都同佢住埋一齊啦」
 
「咁….我之前叫妳做果d野有冇做到呀?」
 
小祺點一點頭，即使小祺仲係女仔，佢都會利用學校提供嘅醫療福利，佢去左婦科醫生到檢查，就係檢查果時，醫生問嘅問題都好深入
………
「梁小姐，麻煩妳填左張form先」  「唔該哂」
 




小祺一睇，都係問自己有冇咩藥物敏感，有咩病史之類，小祺一一作答
 
再睇睇，問佢上次經期幾時，每次相隔幾耐，小祺又填30-31日同埋上一次經期
 
再睇多條，一條令佢面紅紅嘅問題
 
「有否性經驗」「首次性行為年齡」「性伴侶人數」「有否同時間多於一個性伴侶」
 
呢幾條問題，小祺一律填「N/A」，咁佢又冇呃醫生嘅
 




「梁小祺，麻煩量高磅重」
 
交返問卷後，小祺等左陣就入去見醫生
 
入到去，係一位大約40歲左右嘅女醫生，小祺係等果時都睇左佢嘅履歷
 
「歷任瑪麗醫院婦產科，伊利沙伯醫院婦產科副顧問醫生、廣華醫院婦產科顧問醫生，香港醫學專科學院院士，英國皇家婦產科學院院士」
 
小祺坐低係醫生前，醫生開始睇問卷同問野
 




「梁小姐，而家…24歲」  「係」
 
「在職?」  「係，大學職員」
 
「咩學系?」  「安全組，主要睇理學院」
 
「會唔會接觸一D…..carcinogenic、genetic lesions嘅野?」  「我唔需要」
 
「ok，幾好，咦?妳仲係…」  小祺知道醫生睇到邊欄
 
「係..醫生…我仲係女仔…處子之身，冇任何性經驗….」
 
「哦，唔緊要，妳24歲都應該要檢查下，不過我就唔會伸手入去妳陰道，以免整穿處女膜，咁妳而家入去檢查先，會幫妳驗查胸部、陰部內外同子宮。咁因為妳仲係處子之身，子宮頸就會用ultrasound check」
 
小祺入到檢查房，坐上張床到，除低件衫同解開胸圍，醫生一見小祺身上淡淡嘅疤就問佢




 
「妳呢d疤，係幾時架?」
 
「哦，細個去保良局之前，俾屋企人打傷」
 
「佢地用咩打呀?鐵棍定狼牙棒呀?」
 
「四五條雞毛掃扎起，再打」
 
醫生開始檢查胸部「ok，冇問題，妳唔會太著重大細嘛?」  「我唔著重架」
 
「咁就好，我唔建議做隆胸手術」
 
醫生拎起㘉d gel係小祺陰毛對上位置，再用ultrasound檢查
 




「冇水泡，卵巢正常，冇朱古力瘤」
 
抹乾淨後醫生吩咐小祺遞高雙腳打開陰部，即使係檢查，小祺第一次打開陰部俾人睇，佢有少少怕羞
 
醫生輕輕打開陰唇檢查，清楚見到小祺嘅處女膜
 
「ok，一切正常，妳好健康，冇問題」
 
返到出去，小祺著好衫褲再坐低，醫生再打野入電腦
 
「有冇野想問?」
 
「醫院，如果…我而家食避孕藥嘅話，會唔會對身體有影響?」
 
「唔會啦，而家嘅避孕藥劑量好輕，唔會有任何問題，不過妳冇性經驗都打算食?」




 
「呀….其實….我最近同男朋友開始同居，咁…我地自然會….」
 
「哦，好正常，咁我俾兩個月妳，如果覺得ok嘅，妳可以去Px藥房到買」
 
「唔該哂醫生」
小祺係上一次經期後，開始用避孕藥，係佢地決定去staycation果時，佢就覺得當晚會將處子之身交俾學翹，以佢女仔嘅直覺話佢知，其實學翹對自己都係有意思