係同屋室友?定係同居密友?: (S2)32. 全年通行證

「喂，卓凝卓賢，你地兩個，媽咪幫你地過幾個星期五請左下晝嘅假」
 
兩個小朋友聽到下晝唔洗返學，非常高興，不過佢地都想知道點解
 
「果日舅父博士畢業，所以我地同阿姨會一齊去觀禮」
 
「點解阿姨又去嘅?」
 
「咁細姨而家係舅父間大學到讀書又住學生宿舍，佢又收到學校邀請幫手，佢咪出席囉」
 




「好野!!!我地可以去大學到玩啦!!!!」「果到唔係俾你地玩架」
 
「咁我地可唔可以去舅父屋企到玩呀??」「我地要搵姐姐!!!」
 
兩個外甥非常期待學翹個畢業典禮
 
………
小祺係午飯時間，係總部個位到做自己野，而佢嘅自己野，就係織緊頸巾。佢呢個舉動，引殷其他同事嘅注意，不過大家都明白，點解小祺唔係樓下供應部到織，而要返上黎總部，因為果一條頸巾，係送俾學翹嘅頸巾
 
小祺其實完全唔識織， 佢而家都係半桶水，因為佢自己都係上網睇片同搵資料




 
「Suki妳真係一個24孝女朋友啦」
 
「咩…咩24孝….」小祺聽到同事咁話佢後，說話顯得吞吞吐吐
 
「妳都唔洗瞞啦，上次中秋食飯後，差唔多全部人都知道啦」
 
「係囉，妳同聰明仔都收得密啦，偷偷地係樓下拍拖再同居」
 
「有d羨慕妳啦，每日一齊返工放工，又一齊食早餐」




 
「其實都唔係有咩好，返工放工係屋企都見住」小祺心諗
 
「不過上次係Starbucks果個女仔係邊個黎架?佢撓到Cleverly實一實喎」
 
「哦，果個呀，果個女仔姓苗，係阿翹個堂妹」
 
「佢堂妹呀?成個林明禎咁喎，又靚女」
 
「佢係到讀咩科呀?」「佢讀語言系，英文」
 
「Suki妳真係好了解人地屋企嘅事喎，見左家長未呀?」
 
小祺一聽到「見家長」呢三個字後，忽然覺得上次去墳場其實算唔算係見家長
 




「呀….我跟過佢去墳場探佢父母同爺爺，算唔算呀?」
 
大家一邊傾計一邊睇小祺織頸巾
………..
學翹部Jimny仔徐徐駛向迪士尼探索家酒店，車中除左小祺之外，佢地帶埋鯊田友同愛鯊尼亞一齊去Staycation
 
小祺同學翹兩個人，分別瞞住對方做左d/帶左d野，可能今晚會有用
 
自從小祺確認自己對學翹有意思嘅時候，佢已經聽Rachel講，食定避孕藥，一黎可以避免未婚懷孕，另一方面可以令經期更準。小祺自己計過，今日係非常安全嘅日子，而且佢仲著同帶左果幾套半透明喱士內衣褲
 
而學翹，就係上一次HKTV入貨時，偷偷地買左一盒0.01，以備不時之需，一陣自己同小祺突然間著哂火有需要，但又冇套就麻煩，總唔能夠用保鮮紙掛
 
去到酒店，交低部車俾職員再去Check in，好快佢地就入到去一間望海同泳池嘅房，有一張KING SIZE大床
 
鯊田友同愛鯊尼亞立即去窗邊望下風景




 
放低佢地自己行裝後，佢地就搭車去樂園
 
係售票處完全唔見有人龍，所以佢地埋到去後，準備買飛
 
「兩張成人金咭唔該」
 
小祺個腦仲load緊咩叫成人金咭果時，學翹已經將兩張form連同佢張信用卡遞入窗
 
果刻小祺已經阻止唔到學翹買年票，所以佢糊里糊塗咁影左相，戇戇居居咁由得學翹拖住佢入樂園